काठमाडाैं। जनता समाजवादी पार्टी निकट मजदुर संगठन समाजवादी ट्रेड युनियन महासंघ र ट्रेड युनियन फेडेरेशनबीच एकता समायाेजन गरिएकाे छ ।

शनिबार ललितपुरस्थित पार्टी केन्द्रीय कार्यालय बालकुमारीमा आयोजित कार्यक्रममा दुई संगठनबिच एकता समायाेजन गरिएकाे हाे ।

उक्त कार्यक्रममा नेपाल ट्रेड युनियन फेडरेशनका सहअध्यक्ष नारायण थापाकाे नेतृत्वमा सयौ श्रमिकहरु समाजवादी ट्रेड युनियन महासंघमा समाहित भएका हुन् ।

समाजवादी ट्रेड युनियन महासंघका अध्यक्ष लालध्वज नेम्वाङले महासंघमा समाहित भएकाहरुलाई पूर्व पार्टीको हैसियत, योगदान, कार्यक्षमता, दक्षता क्रियाशीलताको आधारमा मुल्याङकन गरी पार्टी तथा महासंघका विभिन्न समिति, विभाग, तथा भूगोलमा जिम्मेवारी दिइने बताए ।

कार्यक्रममा जनता समाजवादी पार्टीका अध्यक्ष उपेन्द्र यादवकाे प्रमुख आतिथ्यता रहेकाे थियाे । त्यसैगरी जसपाका राजेन्द्र श्रेष्ठ, नवराज सुवेदी र रकम चेम्जोङ लगायत नेताहरू समेत उक्त समायाेजनमा सहभागी थिए ।