स्वतन्त्र साकोसको प्रतिवेदन सार्वजनिक

 लिम्बुवान खबर
स्वतन्त्र साकोसको प्रतिवेदन सार्वजनिक

दमक। मजदुरहरुद्धारा सञ्चालित दमक ६ स्थित स्वतन्त्र बचत तथा ऋण सहकारी संस्थाले आफनो ९ औं बार्षिक साधारणसभामा प्रस्तुत गरिने प्रतिवेदन सार्वजनिक गरेको छ ।

संस्थाको कार्यालयमा आज औपचारिक रुपमा कार्यक्रम गरि सञ्चालक समितिले निकालेको प्रतिवेदन सार्वजनिक गरेको हो ।प्रतिवेदन सहकारी अध्यक्ष इन्द्रकुमार राई,सचिव सुमन काफ्ले ,व्यवस्थापक मानबहादुर मगर लगायतका सञ्चालक समितिका पदाधिकारी तथा सदस्यहरुले संयुक्त रुपमा सार्वजनिक गरेका हुन् ।

यसवर्ष कोरोना भाइरसको संक्रमणका कारण आजदेखि शुरु भई असोज २९ सम्म कार्यालयमै स्वास्थ्य सावधानी अपनाएर औपचारिक रुपमा साधारणसभा सम्पन्न गरिने अध्यक्ष राईले जानकारी दिए । उनका अनुसार आजदेखि सदस्यहरुले कार्यालय समय भित्र आएर प्रतिवेदन बुझन तथा त्यस उपर राय,सुझाव असोज २८ सम्म बुझाउन सकिने व्यवस्था गरिएको छ ।

प्रतिवेदन सार्वजनिक गर्दे अध्यक्ष राईले शेयर सदस्यहरुलाई थप सुविधा दिन सहकारीले थप जिम्मेवारीका साथ लागिपरेको वताए । सहकारी संगै शेयर सदस्य मजवुत भएमात्र सहकारी सवल बन्ने उनले प्रष्टयाए ।

प्रतिवेदन माथि आएका उपयुक्त सुझावलाई प्रतिवेदनमा समेटेर असोज २९ गते साधारणसभा सम्पन्न गरिने उनले वताएका छन् । प्रतिवेदन सार्वजनिकरण कार्यक्रममा सञ्चालक सदस्यहरु दुर्गामाया राई,विमला कुमाल,भिमराज बेघा ,लेखा समिति सदस्यद्धय प्रकाश राजवंशी ,भरत राई लगायतको उपस्थिति रहेको थियो ।

संक्रमणका बाबजुद कारोवार वृद्धि

८३४ पुरुष,८११ महिला र ८ वटा संस्थागत गरि १६५३ शेयर सदस्य रहेको सहकारीको आर्थिक बर्ष २०७६ ,७७ मा १ करोड १५ लाख १३ हजार २४६ पुरयाँउन सफल भएको जनाईएको छ । शेयर पूंजीमा यो वृद्धिदर १६.३ प्रतिशत हो । यस्तै,निक्षेपतर्फ गएको वर्ष २१ करोड ४७ लाख ४५ हजार ९ सय ३५ रुपैया ,कर्जा तर्फ ५ करोड ३८ लाख २५ हजार७४ ,बाह्य ऋण ८६ लाख ९८ हजार ४ सय रहेको सार्वजनिक गरिएको प्रतिवेदनमा उल्लेख छ । त्यस्तै सहकारीले यसवर्ष ३१ लख ३४ हजार ४सय ४० रुपैया मुनाफा गर्न सफल भएको छ । गतवर्षको तुलनामा ११ लाख २२ हजार ३६२ वृद्धि हो ।

त्यस्तै,संस्थाले अघिल्लो वर्षको तुलनामा ८.१२ प्रतिशतले कुल कारोवार गर्न सफल भएको उल्लेख छ । २०७५,०७६ मा ६ करोड ५६ लाख १ हजार ३६ रुपैया कुल कारोवार गरेको संस्थाले गएको वर्षमा भने ७ करोड ९ लाख २६ हजा ८४ रुपैया पुरयाँउन सफल भएको प्रतिवेदनमा जनाइएको छ ।

सम्बन्धित समाचार

खानेपानी संस्थानलाई बोर्डमा गाभेकोमा लिम्बुवानको आपत्ति

धरान। नेपाल खानेपानी संस्थानलाई बोर्डमा गाभेकोप्रति संघीय लिम्बुवान मञ्च नेपालले आपत्ति जनाएको छ । आज मञ्चले धरान उपमहानगरका प्रमुख तिलक राईलाई ज्ञापन–पत्र बुझाएको छ । धरान खानेपानी व्यवस्थापन बोर्डमा आउनुअघि सञ्चालित एकीकृत सहरी विकास आयोजना...

प्रधानमन्त्री ओली र विप्लवले एउटै मञ्चबाट सम्बोधन गर्ने, सरकार र विप्लव बिच तीन बुँदे सहमति

काठमाडौं। प्रधानमन्त्री केपी शर्मा ओली र नेत्रविक्रम चन्द विप्लवले एउटै मञ्चबाट संयुक्त सम्बोधन गर्ने भएका छन् । आज भएको तीन बुँदे सहमतिलाई कार्यान्वयन गर्ने प्रतिबद्धता स्वरुप प्रधानमन्त्री ओली र नेकपा महासचिव विप्लवले सम्बोधन गर्न लागेका...

दमक जेसिज र हिमशिखर एफएम बिच रेडियो कार्यक्रम गर्न सम्झौता

दमक। जेसिज अभियानका गतिविधि, बिधिको शाषन, सकारात्मक र सभ्य समाज निर्माणमा युवाको भुमिका लगायतका बिषयबस्तु समेटिने गरी दमक जेसिजले साप्ताहिक रुपमा आधा घण्टाको रेडियो कार्यक्रम शुरु गर्ने भएको छ । दमक जेसिजका अध्यक्ष सुयोग खरेल...

जसपा झापा समायोजन सकिएको कार्यदलको भनाइ

लिम्बुवानखबर। जनता समाजवादी पार्टी (जसपा)नेपालको झापा जिल्ला पार्टी समायोजन कार्य पूरा भएको जनाएको छ । जसपा नेपाल झापा जिल्ला पार्टी समायोजन गर्न केन्द्रीय कार्यकारिणी समितिले गठन गरेको कार्यदलले बुधबार दमकमा पत्रकार सम्मेलन गरेर पार्टी समायोजनको...