दमक–विश्वासिलो बचत तथा ऋण सहकारी संस्थाले बुधबार एक कार्यक्रमबीच नवौ बार्षिक साधारणसभाकमा प्रस्तुत गरिने प्रतिवेदन सार्वजनिक गरिएको छ । दमक-६ पिपल चौकमा कार्यालय रहेको सहकारी संस्थाले नवौं बार्षिक साधारणसभाको पुर्वसन्ध्यामा आज प्रतिवेदन सार्वजनिक गरेको हो ।

संस्थाका अध्यक्ष अशिम राई, सचिव सुमन कुमार राई लगायत संस्थाको सञ्चालक समिति, सल्लाहकार, लेखा समिति, ऋण उपसमिति, कर्जा (ऋण) समिति लगायतले सो प्रतिवेदन सार्वजनिक गरेका हुन् ।

नवौ बार्षिक साधारणमा सञ्चालक समितिको तर्फबाट प्रस्तुत गरिने अध्यक्षको आर्थिक बर्ष २०७६।०७७ को प्रतिवेदन तथा आगामी आर्थिक वर्ष २०७७।०७८ को भावि लक्ष्य, योजना तथा कार्यक्रमसहितको प्रतिवेदन शेयर सदस्यहरुलाई वितरण गरिएको अध्यक्ष राईले बताउनुभयो ।

यस्तै, भोली बिहिबार संस्थाको कार्यालयमा नवौ बार्षिक साधारणसभा सम्बन्धी संक्षिप्त कार्यक्रम हुने संस्थाको सचिव राईले सुमन कुमार राईले जानकारी गराउनुभयो ।

नवौ बार्षिक साधारणसभामा बितरण गरिने प्रतिवेदनमा आर्थिक बर्ष २०७७।०७८ को बार्षिक बजेट तथा कार्यक्रम, अनुमानीत वासलात तथा आय, ब्यय बिवरण लगायत आर्थिक बर्ष २०७७।०७८ को लेखा तथा सुपरीवेक्षण समितिको आन्तरिक प्रतिवेदन प्रस्तुत गरिने भएको छ ।