भिम केरुङको ‘रातो भुइँ’ सार्वजनिक

 लिम्बुवान न्युज
                       

दमक। झापाकाे कमल गाउँपालिका वडा नम्बर ७ गेउरिया निवासी भीम केरुङद्धारा लिखित ‘रातो भुइँ’ ؙ पुस्तक बुधबार एक कार्यक्रम बिच सार्वजनिक गरिएको छ । नेपाली समाज र राजनीतिलाई समेटेर लेखक केरुङले तयार गरेको पुस्तकको बुधबार जिल्लाको शिवसताक्षीस्थित झिलझिलेमा संक्षिप्त कार्यक्रम गरि सार्वजनिक गरिएको हो ।

पुस्तकको प्रकाशक गणेशप्रसाद लिम्बूले झोडा आन्दोलनका अग्रज देउकुमार राईलाई पुस्तक दिएर सार्वजनिक गरिएको लेखक केरुङले बताए ।
तत्कालीन नेपाल भूतपूर्व सैनिक संघ पाँचथरका सभापति समेत भएका राईकै नेतृत्वमा जिल्लाका विभिन्न स्थानमा भूपू सैनिकलाई बसोबास दिलाउन सहयोग पु¥याएका थिए । पुस्तकमा लेखकले भूपू सैनिकहरु कसरी झोडामा आए भनेर उल्लेख गरेका छन् ।

लेखकले विभिन्न दश अध्यायमा ती विषयवस्तुहरुलाई समावेश गरेका छन् । अध्याय १ मा प्राचीन मानव सभ्यता र चिहानबीचको सम्बन्ध, दोश्रोमा पहिचानसहितको संघीय संरचनामा किन मुलुक गएन ? भ्रम र यथार्थ, तेश्रो अध्यायमा समाज रुपान्तरणको एउटा जटिल पक्ष : जातीय विभेद तथा छुवाछूत, चौथो अध्यायमा सरकारी नोकरीमा आरक्षणको सवाल, पाँचौमा किन विवादित बन्यो, आदिवासी रंगशाला ? जस्ता विषयहरुलाई चित्रण गर्न खोजेका छन् ।
त्यसैगरि पुस्तकको छैठौ अध्यायमा लेखकले आफनै ठाउँ हाल कमल गाउँपालिका ७ स्थित विष्णुकठ्ठाका धिमाल जातिको विषयमा र सातौ अध्यायमा स्थानीय कमल ७ कै एउटा नलेखिएको इतिहास जो लालधोन्द्रा झोडाका भूपू सैनिकहरुका बारेमा खोजमूलक अध्ययन सामाग्रीलाई चित्रण गरेका छन् । यस्तै, उनले आठौ अध्यायमा सीतापुरी झोडाकाण्ड एक राजनीतिक स्वार्थ, नवौ अध्यायमा भूमि सम्बन्धी एेनहरुको विश्लेषण र दशाैं अध्यायमा भूमिसुधार असफल हुनुका लक्षणहरु सम्बन्धी आफनो अध्ययन सामाग्रीलाई समावेश गरेका छन् ।

२२६ पृष्ठको सो पुस्तक अघि लेखकले २०५६ सालमा ‘मसंगै फुलेको फूल’ कविता संग्रह निकालेका थिए । त्यस कविता संग्रहको विक्री वितरण साझा प्रकाशनले गरेको थियो ।
साहित्यसंगै वामपन्थी राजनीतिमा सक्रिय लेखक केरुङले यस पुस्तक समाज र राजनीति सम्बन्धी अध्ययन गर्नेका लागि पठनीय भएको दावी गरे ।

सम्बन्धित समाचार

जारी-२ काे छायाँकन पान्थरमा शुरू

झापा, दमक, ३० वैशाख ।  बहुप्रतीक्षित फिल्म ‘जारी : सङ् अफ च्याब्रुङ’को छायांकन पान्थरबाट सुरु भएको छ । बुद्ध जयन्ती चण्डीपूर्णिमा (उभाेली)को अवसर पारेर मंगलबारदेखि छायांकन सुरु भएको हाे । चलचित्रकाे छायांकन शुरू भएकाे चलचित्रका...

किरातीहरुले उभौली पर्व हर्षाेल्लासका साथ मनाए

ललितपुर, २९ वैशाख । किरात राई समुदायले आज सांस्कृतिक पर्व उभौली मनाएका छन् । अन्न उब्जनी हुने प्रकृति भूमिको पूजाआजा गरी किरात समुदायले उभौली पर्व मनाएका हुन् । पूर्व प्रदेश १ को सबै जिल्लामा बसोबास...

२५६९औं बुद्ध जयन्ती विविध कार्यक्रम गरि मनाइदै

काठमाडाैं, २९ वैशाख । आज सोमबार २५६९औं बुद्ध जयन्ती मनाइँदै छ। शान्तिका अग्रदूतका रूपमा विश्वमा परिचित सिद्धार्थ गौतमको जन्मजयन्तीको अवसरमा बुद्धको पूजा, आराधना एवं प्रवचन गरी मनाइँदै छ। प्रत्येक वर्ष वैशाख शुक्ल पूर्णिमाका दिन बुद्ध...

इन्द्र लुम्फुङ्वाको संयोजकत्वमा संयुक्त पहिचानवादी मोर्चा मलेसिया प्रवास समिती गठन

मे ११,२०२५, क्वालालम्पुर, मलेशिया । मलेशियामा संयुक्त पहिचानवादी मोर्चा प्रवास समिति गठन भएको छ । मोर्चाका संयोजक प्रा.डा. महेन्द्र लावतीको प्रमुख उपस्थितिमा क्वालालम्पुरस्थित इन्द्र लुम्फुङवाज्युको संयोजकत्वमा ३७ सदस्यीय मोर्चा प्रवास समिती मलेसिया गठन गरिएको हो...