लिम्बुवानखबर, १५ असोज । संघीय लिम्बुवान मञ्च, नेपाल दमक नगरपालिकाको वडा नं. ८ को तेस्रो वडाअधिवेशन सम्पन्न भएको छ ।

शुक्रबार मञ्चका प्रान्तीय महासचिव सुरेन्द्र लिम्बु नोनामज्यूको प्रमुख आतिथ्यतामा दमक ८स्थित दमक बहुमुखी सहकारी संस्थाको सभाहलमा बेनुकुमार लिम्बुको अध्यक्षतामा नयाँ समिति गठन भएको हो ।

आज आयोजित अधिवेशनले अध्यक्ष लिम्बु सहित उपाध्यक्षमा टिका तुम्बापो र कुल बहादुर लिङदेन, सचिवमा बिरेन्द्र सेर्मा र अर्थसचिवमा हरिमाया कन्दङ्वा निर्वाचित हुनेभएको छ । त्यसैगरी सदस्यहरुमा हरिलाल चौधरी, नन्द राई, राम राई, तिर्थकुमारी थेगिम र सुकमाया लिम्बु निर्वाचित भएका छन् ।

कार्यक्रममा प्रान्तीय उपमहासचिव भानु भट्टराई, सचिवहरु धनराज सुब्बा, राम चेम्जोङ्, विष्णु भट्टराई, प्रान्तीय सदस्यहरु चन्द्र कन्दङ्वा, मुक्सान माङ्लाक, दमक नगर अध्यक्ष याम लिम्बु लगायत नेताहरुले शुभकामना मन्तव्य राखेका थिए ।

कार्यक्रम वडाध्यक्ष जितेन हाङ्स्रोङको सभाध्यक्षतामा भएको थियो । कार्यक्रमलाई दमक नगर समितिको बरिष्ठ उपाध्यक्ष सन्त चेम्जोङ्ले सहजीकरण गरेका थिए ।