लिम्बुवानखबर । झापाको दमक न।पा। १ को सिरिजङगा टोल विकास संस्थाको अध्यक्ष सेसेमी से नाल्बो चयन भएका छन् । छैठौं बार्षिक साधारणसभा सम्पन्न पश्चात भएको नयाँ कार्य समिति चयनबाट नाल्बो अध्यक्ष भएका हुन् । साहित्य लेखनमा सक्रिय नाल्बो सामाजिक क्षेत्रमा पनि उत्तिकै क्रियासिल व्यक्तित्व हुन् ।

संस्थाको सामुदायिक भवन परिसरमा दमक वडा नं। १ का वडा जनप्रतिनिधि सदस्य गिरीभक्त सोङ्मेन राईको प्रमुख आतिथ्यतामा सम्पन्न कार्यक्रममा सिरिजङगा टोल संस्थापक अध्यक्ष इक्सा सम्बाहाङ्फे, लुङ्धुङ टोल विकास संस्था दमक १ अध्यक्ष याम बहादुर राई लगायतले शुभकामना मन्तव्य राखेका थिए ।

कार्यक्रममा कियाचु राष्ट्रिय चुम्लुङ सदस्य गुमान सिं सङबाङ्फे, याक्थुङ साहित्य प्रतिष्ठान कोषाध्यक्ष भुवानी थेगिम, सदस्य बिष्णु केरुङको पनि उपस्थिति रहेको थियो ।

सभामा अध्यक्षद्धारा प्रस्तुत प्रगति प्रतिवेदन तथा कोषाध्यक्षको आर्थिक प्रतिवेदन बन्द सत्रले अनुमोदन पारित गर्दै सो साधारणसभाले सेनाल्बोको अध्यक्षतामा विधानत तीन सदस्यीय समिति गठन गरेको छ । समितिको सचिवमा मालती थापा मगर र कोषाध्यक्षमा प्रकाश राई सर्व सम्मतबाट चयन भएको निर्वाचन समिति संयोजक डम्बर बहादुर श्रेष्ठले बताए ।

सभामा कोषाध्यक्ष तारादेवी राईले आर्थिक वर्ष ०७७र७८ को शेयर पूँजी वार्षिक आयरव्याय तर्फ ६ लाख ७६ हजार २ सय वयालिस रहेको छ । जम्मा ८५ घरधुरीको सेयर पुँजी ४ लाख ५७ हजार ९ सय साठी र संस्थाको मुलधन १ लाख ४ हजार २ सय तीन रहेको छ भने मौज्दात रकम ५ लाख ६२ हजार १ सय उन्नसत्तरी रहेको कोषाध्यक्षको प्रतिवेदनमा उल्लेख छ ।

सिरिजङगा टोल विकास संस्थाले टोलको आफ्नै सामुदायिक भवन निर्माण गरी उद्घाटन समेत गरेको, सडक वत्ती मर्मत सम्भार लगायतका कार्यहरु सम्पन्न भएको टोल अध्यक्ष रचना लाओतीले बताएकी छन् ।

सभा संस्थाको अध्यक्ष रचना लाओतीको सभाध्यक्षता, सचिव आरती लिम्बूले संचालन गरेकी थिइन् ।