मेचीनगर, लिम्बुवानखबर । संघीय लिम्बुवान मञ्च, नेपालले मेचीनगर १२स्थित ६० अति विपन्न घरपरिवारलाई राहत वितरण गरेको छ । शनिबार मञ्चले एक कार्यक्रम आयोजना गरि अति विपन्न परिवारलाई राहत वितरण गरेको हो ।

मञ्चका उपाध्यक्ष ज्ञानुहाङ इम्बुङकाे प्रमुख अतिथ्यतामा उक्त राहत वितरण गरिएको थियो । मञ्चका प्रवास संगठन संघीय लिम्बुवान सामाजिक मञ्च, बहराइन प्रवास कार्य समितिको आर्थिक सहयोगमा प्रवास बहराइनका पूर्व अध्यक्ष स्व. मन कुमार कंलिबाको स्मृतिमा राहत वितरण गरिएको हो ।

राहत वितरण कार्यक्रममा मञ्चका प्रान्तीय महासचिव यलम्बर खम्बु, प्रान्तिय सदस्य अरुना जबेगु, नन्दु मेन्याङबो, सामाजिक मञ्च बहराइनका उपाध्यक्ष सनम माखिम, जिल्ला उपाध्यक्ष अमित खम्बु, क्षेत्रीय सदस्य माया काम्बाङ्, मेचिनगर १२ पार्टी अध्यक्ष मिलन माबो, सचिब ललित तुम्रोक त्यसैगरी मेचीनगर १२ का जनप्रतिनिधि वडाध्यक्ष नगेन धिमाल लगायतको उपस्थिति रहेको थियो ।