काठमाडौं । पाँचथरको फालेलुङ ८ स्थित सुर्केनागी निवासी मृगौला पिडित संगिता यवा (भुजेल)लाई कतारबाट आर्थिक सहयोग प्राप्त भएको छ । संघीय लिम्बुवान सामाजिक मञ्च कतार प्रवासको पहलमा १ लाख २ हजार १९० रुपैयाँ रकम सहयोग प्रदान गरिएको हो ।

प्रवास मञ्चका अर्थसचिव कुमारसिं योङहाङको संयोजकत्वमा संकलित उक्त रकम सोमबार संघीय लोकतान्त्रिक राष्ट्रिय मञ्चका अर्थ सचिव विष्णु कुमार यक्सोले पिढीत यक्वालाई भेट गरि हस्तान्तरण गरिएको प्रवास कतारका बरिष्ठ उपाध्यक्ष डम्बर लिङ्खिम मिसेकले जनाएका छन् ।

पिढीतकी बहिनी सबिना यवाको अनुरोधमा आर्थिक अवस्था अत्यन्तै दयनीय भएको याचना गर्दै विभिन्न सामाजिक संजालहरुबाट आर्थिक सहयोगको अपेक्षा गरिएको खबरलाई परोपकारी कार्यमा सहयोग गरिएको मिसेकले बताए । सामाजिक मञ्च कतारले परोपकारी कार्यमा विशेष सहयोग गर्दै आइरहेको मञ्चका संघीय अर्थसचिव यक्सोले बताए ।

मृगौला पिढीत यवाको हाल दुबै मृगौला प्रत्यारोपण गर्नुका लागि काठमाडौमा उपचार भईरहेको उनकी बहिनी सविनाले वताइन् ।