लिम्बुवानखबर, २ कार्तिक । एएफसी यू–२३ एसियन कप छनोट खेल खेल्नका लागि नेपाली यू–२३ राष्ट्रिय टोली ताजिकिस्तान प्रस्थान गरेको छ । मंगलबार बिहान नेपाली टोली त्यसतर्फ प्रस्थान गरेको अखिल नेपाल फुटबल संघ (एन्फा) ले जनाएको छ ।
नेपाल छनोट खेलको कठिन समूहमा परेको छ । समूह बीमा परेको नेपालसँगै ताजिकिस्तान, लेबनान र इरान रहेका छन् । सबै टिम फिपा बरियतामा नेपालभन्दा धेरै माथि रहेका छन् ।
छनौट खेल खेल्न अघि नेपालले अक्टोबर २२ शुक्रबार इन्डोनेसियाको यु–२३ टोलीसँग ताजिकिस्तानमै मैत्रीपूर्ण खेल खेल्ने कार्यक्रम रहेको समेत एन्फाले जनाएको छ ।
छनोटमा नेपालले पहिलो खेल इरानसँग अक्टोबर २५ मा खेल्ने छ । त्यसैगरी दोस्रो खेल ताजिकिस्तानसँग अक्टोबर २८ र अन्तिम खेल लेबनानसँग अक्टोबर ३१ मा खेल्ने कार्यक्रम रहेको छ ।
नेपाली टोलीमा साफ च्याम्पियनसिपको उपविजेता टिममा रहेका ६ खेलाडी पनि समावेश रहेका छन् ।
नेपाली टिम
गोलकिपरः अर्पण कार्की, विशाल सुनार, अविशेक बराल
डिफेन्डरः सुमन अर्याल, गौतम श्रेष्ठ, राजन गुरुङ, शिव गुरुङ, रन्दिप पौडेल, अनिल महर्जन, अविशेक लिम्बु
मिडफिल्डरः नितिन थापा, सुरज ज्यु ठकुरी, आयुस घलान, सेसेहाङ आङ्देम्बे, राजिब लोप्चन, शिशिर लेखी, आकाश बुढामगर, रोशन पहाडी, एरिक विष्ट
फरवार्डः ऋतिक खड्का, मनिष डाँगी, अविशेक रिजाल, दर्शन गुरुङ
Related