लिम्बुवानखबर, दमक । पुर्वका चर्चित गायक तथा संगीतकार ब्रबिम सेर्मा र गायिका गंगा फियाक लिम्बूको आवाजमा सजिएको नयाँ लिम्बु भाषिक गीत ‘चल्लक चल्लक’ सार्वजनिक भएको छ ।

निर्देशक हाङ् चेम्जोङको निर्देशनमा मौसम इम्बुङ (फुलेन्देको बाउ) र पुष्पान्जली तिलिङ (चाप्पेतीको आमा)को अभिनय रहेको रोमान्सले भरिएको लिम्बू भाषिक गीत ‘चल्लक चल्लक’ भिडियो रीता फोम्बो ठुली अफिसियल युट्यूव च्यानलमार्फत सार्वजनिक गरिएको हो ।

गीतकार नेम खापुङको शब्द तथा संगीतमा सजिएको भिडियोमा सागर केरुङ, जेपी नेम्बाङ, पुर्ण लिम्बू, डिआर हाङ्सरुम्बा, सुमन सम्बाहाम्फे लगायतको पनि अभिनय देख्न पाइन्छ ।

रिता फोम्बो ठुली निर्माणमा तयार पारिएको भिडियोमा दिनेश माङ्मुको कोरियोग्राफी रहेको छ भने छायाँकन तथा सम्पादन इशाक जबेगुले गरेका हुन् ।

टेकेन्द्र याक्सोको संगीत संयोजनमा सेवा रेकर्डिङ स्टुडियोमा रेकर्ड गरिएको गीतमा मुस्कान मुकारुङको मिक्सिङ तथा मास्टरिङ रहेको छ ।

भिडियो हेर्नुहोस…