लिम्बुवानखबर संवाददाता । निर्वाचन आयोगले प्रधानमन्त्री शेरबहादुर देउवालाई स्थानीय तहको निर्वाचन आगामी चैत ५ गतेभित्र गरिसक्नुपर्ने बताएका छन् ।
सोमबार प्रधानमन्त्री र केही मन्त्रीहरुसँग आयोगका पदाधिकारीहरुसँग छलफल गर्दै पहिले स्थानीय तहको निर्वाचन गर्नुपर्नेमा जोड दिएका हुन् ।
आयोगले ‘स्थानीय तहको निर्वाचन चैत ५ गतेभित्र गरिसक्नुपर्छ भन्दै संकटकाल बाहेकको अवस्थामा म्याद थप्ने व्यवस्था नभएको सरकारलाई जानकारी दिएको छ । आयोगका पदाधिकारीले भने –‘स्थानीय तह पदाधिकारीविहीन राख्न पनि मिल्दैन आयोग देशभर एकै चरणमा, एकै पटक स्थानीय तहको निर्वाचन गर्न तयार छौं’ ।
यता प्रदेश र प्रतिनिधिसभाको अवधि भने १४ महिना बाँकी छ । त्यसैले पहिला स्थानीय तहको निर्वाचन गर्नु उपयुक्त हुने आयोग पदाधिकारीहरुको जोड दिएको छ । ‘तीनै तहको निर्वाचन एकै पटक गर्ने, अर्ली इलेक्सन जस्ता बाहिर भएका चर्चातर्फ संकेत गर्दै संविधानमा त्यस्तो व्यवस्था नभएको आयोगले प्रष्ट पारेको छ ।
आयोगले छलफलमा प्रधानमन्त्रीलाई प्रदेश र प्रतिनिधिसभाको निर्वाचन पनि देशभर एकै पटक गर्न सकिने जानकारी दिएका छन् ।
Related