युएई, दुवाई । संघीय लोकतान्त्रिक राष्ट्रिय मञ्च, संघीय लिम्बुवान मञ्च, नेपालको प्रवास संगठन संघीय लिम्बुवान सामाजिक मञ्च, युएईको पाँचौ अधिवेशन सम्पन्न भएको छ । शुक्रबार युएईमा सम्पन्न अधिवेशनले विक्रम लिम्बु पन्धाकको अध्यक्षतामा २१ सदस्यीय नयाँ कार्य समिति गठन गरेको हो ।
समितिको बरिष्ठ उपाध्यक्षमा निर्मल लिम्बु (नाम्योहाङ), उपाध्यक्षहरुमा गौरव कुमार कुरुम्बाङ र भिम अधिकारी, महासचिवमा सुरेन्द्र लिम्बु (लाजेहाङ), सचिवमा आरती वनेम, अर्थ सचिवमा भिमा लिम्बु –भुमा) र प्रवक्तामा विराज केरुङ (मायालु कान्छा) सर्वसहमतिमा चयन भएका छन् ।
यसैगरी समितिको सदस्यहरुमा टीका लिम्बु, मेख लिम्बु, दिपा लिम्बु, मनिसा लिम्बु, लोकेन्द्र सम्बाहाम्फे, विशाल लिङदेन, स्टिभ सन, खेबेन्द्र ताम्लिङ, यमि मेन्याङबो, रुपा राई लिम्बु, सविन अधिकारी, सजल काजी थापा र अम्बर फियाक निर्वाचित भएका छन् ।
आजै सम्पन्न अधिवेशनले सल्लाहकार समिति पनि गठन गरेको छ । मञ्चका संघीय सदस्य तेजबहादुुर लिम्बु (आवाज)लाई बरिष्ठ सल्लाहकारमा नियुक्त गर्दै सल्लाहकार सदस्यहरुमा राम फियाक, राजेन्द्र लिम्बु (लासाङ), चक्र सिंगक, राम योङहाङ, स्विकार चाम्लिङ र बबिराम थोप्रा चयन भएका छन् ।
Related