विर्तामोड, २९ असोज । संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च, नेपाल झापा जिल्ला कार्य समितिको नयाँ पार्टी कार्यालय आजबाट संचालनमा आएको छ । विर्तामोडस्थित नयाँ बसपार्कमा आज मञ्चका संघीय अध्यक्ष कुमार लिङदेन मिराकले रिवन काटेर कार्यालयको समुद्घाटन गरेका हुन् ।
आज आयोजित जिल्ला कार्यलय उद्घाटनसँगै आगामी मंसिर ४ को निर्वाचनमा प्रत्यक्ष र समानुपातिक उम्मेद्वारहरुलाई खादा ओडाई सम्मान समेत गरिएको छ । कार्यक्रमका प्रमुख अतिथि अध्यक्ष लिङ्देनले आगामी मंसिर ४ गते हुन गईरहेको प्रतिनिधि र प्रदेश निर्वाचनका उम्मेद्वारहरुलाई जितको अग्रिम शुभकामना दिदैं सबै नेता तथा कार्यकर्ताहरु चुनावी कार्यक्रममा शसक्त रुपमा लाग्न निर्देशन दिनुभएको छ । मंसिर ४ हाम्रो लागि जिवनमरणको दिन भएको भन्दै अध्यक्ष लिङ्देनले सबै नेताहरुले अपनत्व गर्नुपर्ने बताउनु भयो ।
यसरी नै कार्यक्रममा मञ्चका बरिष्ठ उपाध्यक्ष ज्ञान बहादुर गुरुङ र महासचिव दिलकुमार लावतीले नयाँ कार्यलय संचालनको लागि धन्यवाद व्यक्त गर्दै सम्पूर्ण उम्मेद्वारहरुलाई जितको अग्रिम शुभकामना दिएका छन् । बरिष्ठ उपाध्यक्ष गुरुङ् झापा जिल्लाबाट १५ मध्ये १४ निर्वाचन क्षेत्रबाट प्रत्यक्ष उम्मेद्वारी त्यसैगरी प्रदेश नं. १ को समानुपातिक बन्दसूचीमा १४ जना झापा जिल्लाबाटै विभिन्न क्लस्टरका उम्मेद्वारी परेको हुँदा सबै नेताहरु ग्राउण्डमा खट्न अनुरोध गरेका छन् ।
कार्यक्रममा लिम्बुवानका बरिष्ठ नेता तथा उम्मेद्वार ज्ञानु इम्बुङ, उपाध्यक्ष विष्णुमाया थापा, धनराज सुब्बा, राजु राई, कविन्द्र सेर्मा, सुर्यप्रसाद लिम्बु, लिलामाया राई, थिरबहादुर खवास लगायतले आफू जित्ने प्रतिबद्धता व्यक्त गर्दै मन्तव्य राखेका थिए ।
जिल्ला अध्यक्ष नगेन राईको अध्यक्षतामा आयोजित कार्यक्रममा स्वागत मन्तव्य बरिष्ठ उपाध्यक्ष अमित खम्बुले राखेका थिए भने कार्यक्रमको संचालन जिल्ला सचिव विकास मगरले गरेका थिए । जिल्ला कार्यालय अव्यवस्थित रहेकोले पार्टीको गतिविधि चुस्तदुस्त राख्न र आसन्न मंसिर ४ को प्रतिनिधि र प्रदेशसभा निर्वाचनलाई लक्षित गर्दै कार्यालय संचालनमा ल्याएको अध्यक्ष राईले बताउनु भयो ।
दमक, झापा । याक्थुङ समुदायका प्राज्ञिक व्यक्तित्व तथा बहुआयामिक स्रष्टा सागर केरुङका ६ ओटा महत्वपूर्ण कृतिहरू एकैसाथ विमोचन भएका छन् । याक्थुङ प्रज्ञा प्रतिष्ठान नेपालको आयोजनामा गत बैशाख २६ गते शनिवार पाँचथरको फिदिममा सम्पन्न विशेष...
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७