रवि पाँचथर, १ कार्तिक । संघीय लोकतान्त्रिक राष्ट्रिय मञ्चले पान्थर जिल्लामा चुनावी अभियानलाई निरन्तरता दिएको छ । मंगलबार पान्थर प्रदेश २ को मिक्लाजुङस्थित रवि बजारमा प्रदेश निर्वाचन परिचालन समिति समेत गठन गरेको जनाइएको छ ।

जिल्ला सचिव डिल्ली लावतीको संयोजकत्वमा निर्वाचन परिचालन समिति गठन भएको पान्थर जिल्ला निर्वाचन परिचालन समिति संयोजक सुनिता केरुङ्ले बताइन् । लावतीको संयोजकत्वमा बनेको समितिको सदस्यहरुमा गोरे बहादुर राई, भक्त बहादुर नेम्बाङ, भानु फियाक, दिपा हाङमा राई, पूर्णिमा राई, जयन बहादुर राई, प्रसाद सिं राई, दल बहादुर तामाङ्, सुरेश फियाक र उपेन्द्र माखिम रहेको जनाइएको छ ।

मञ्चका उपमहासचिव तथा पान्थर प्रदेश २ का प्रत्यक्ष उम्मेद्वार लावाहाङ चेम्जोङकाे उपस्थितिमा युवा नेता मधु केरुङ्, जिल्ला अध्यक्ष चन्द्रराज आङ्देम्बे लगायत जिल्लाका दक्षिणी क्षेत्रका नेताहरुको उपस्थिति रहेको थियो ।