दमक, ३ कार्तिक । दमकदेखि पूर्व जाँदै गरेकाे जाँदै गरेकाे प्रदेश १–०१ ००१ ख ३४३५ नम्बरको यात्रु बसले सोहि दिशातर्फ जाँदै गरेको को १६ प ५३२२ नम्बरको मोटरसाइकललाई ठक्कर दिएको हो । कमलस्थित रवि पेट्राेल पम्प अगाडि पूर्वपश्चिम लाेक मार्गमा भएकाे साे दुर्घटनाबाट माेरक केराबारीका पदम कुमार राइकाे घटना स्थलमा मृत्यु भएकाे इलाका प्रहरी कार्यालय दमकले जनाएकाे छ ।

स्थानीय प्रत्यक्षदर्शीहरुका अनुसार घटनास्थलबाट बसले लगभग १२० मिटर परसम्म मोटेसाइकल चालकलाई घिसारेको थियो ।

दुर्घटनापछि बसको गल्ती भएको भन्दै स्थानीयले बसमाथि आगजनी समेत गरेकाे थियाे तर बस पूर्णरूप क्षति हुनबाट जनपथ र शसस्त्र प्रहरीले राेकेकाे थियाे । साे घटनापछि राजमार्ग केही समय अवराेध भएकाे छ । त्यहाँ ठूलो भिड लागेको छ। बसकाे अगाडी र दुवै तर्फकाे सिसाहरू भने क्षति ग्रस्त भएकाे छ ।

भिडलाई नियन्त्रणमा लिन प्रशासनले बाक्लो प्रहरी परिचालन गरेको छ। यातायात भने सूचारू भएकाे इलाका प्रहरीले जनाएकाे छ ।