दमक, ७ कार्तिक । झापामा बसको ठक्करबाट एकै परिवारका दुई जनाको मृत्यु भएको छ ।

बुधबार बेलुका पूर्वपश्चिम लाेकमार्गको झापाको केरखा सडक खण्डमा काँकरभिट्टाबाट यात्रु लिएर काठमाडौं जाँदै गरेको प्र. १– ०१ – ००१ ख ४३३१ नम्बरको रात्रिबसको ठक्करबाट कमल गाउँपालिका–३ का ६० वर्षीय टेकबहादुर लिम्बू र उनका १० वर्षीया नातिनीको मृत्यु भएको हो ।

उनीहरु इलेक्ट्रिक साइकलमा सवार रहेका थिए, साइकलमा पूर्ण क्षति भएकाे छ । दुर्घटनाको विरोधमा स्थानीयले पूर्वपश्चिम लाेकमार्गमा यातायात अवरुद्ध पारेका छन् । प्रदर्शनकारीहरूले ठक्कर दिने बसमा तोडफोड गरेको जिल्ला प्रहरी कार्यालय झापाले जनाएको छ ।

समाचार प्राप्त भएसम्म लास सडक मै रहेकाे जनाएकाे छ ।