सुगुप चलचित्र दुबईमा प्रिमियर शाे हुने
दमक, ५ चैत्र । लोकेन साँबाको निर्देशन रहेको लिम्बु कथामा रहेकाे चलचित्र ‘सुगुप’ दुबईमा ‘प्रिमियर शो’ हुने भएको छ । आगमी मार्च ३० मा चलचित्र ‘सुगुप’ दुबई (यूएई) को स्टार सिनेमाज एयल गुरेर मुभी थ्रेटरमा...
ललितपुर, ११ कार्तिक ।दशरथ रंगाशालामा हजाराैं दर्शककाे उपस्थितिमा साफ महिला च्याम्पियनसिप २०२४ अन्तर्गत सेमिफाइनलमा भारतलाई हराउँदै नेपाल फाइनलमा पुगेको छ।
आज (आइतबार) सम्पन्न अन्तिम सेमिफाइनल खेल विवादले दुई पटकसम्म रोकिएको खेल एक-एक बराबरीमा सकिएको थियो । नेपालले सेमिफाइनल खेलमा पेनाल्टी शुटआउटमा भारतलाई पराजित गरेको हो।
पेनाल्टी शुटआउटमा नेपालले चार गोल गर्दा भारतले दुई गोलमात्रै फर्काउन सकेकाे थियाे । फाइनलमा नेपालले बुधबार बंगलादेशसँग खेल्नेछ। विवादका कारण अवरोध भएको खेल १७ मिनेट सम्म लम्बिएको थियो ।
नेपाल र भारतबीच साफको सेमिफाइनलमा दोस्रो पटक प्रतिस्पर्धा भएको हो। सन् २०२२ मा दशरथ रंगशालामै भएको सेमिफाइनलमा नेपालले भारतलाई पराजित गरेको थियो। यद्यपि नेपाल फाइनलमा बंगलादेशसँग पराजित भएको थियो।
आजै भएको पहिलो सेमिफाइनलमा बंगलादेशले भुटानलाई ७-१ ले हराएर दोस्रो पटक फाइनलमा स्थान पक्का गरेको छ ।
