दमक, १६ असाेज । बढ्दो लागू औषध दुव्र्यसनको समस्यालाई न्यूनीकरण गर्दै समाजमा सकारात्मक चेतना फैलाउने उद्देश्यका साथ झापाको दमकमा ‘लागू औषध दुव्र्यसन विरुद्धको सचेतना अभियान–२०८३’ आयोजना गरिने भएको छ। हिन्दु धर्मावलम्बीहरूको महान् पर्व दशैं, दीपावली तथा छठको पावन अवसर पारेर आगामी असोज ३१ गते शनिबारका दिन विशेष सांगीतिक कार्यक्रमको आयोजना गर्न लागिएको हो।
माङ्गगेन्ना पब्लिकेशन र मानुसी मिडिया हाउस, दमकको संयुक्त आयोजनामा हुन लागेको उक्त कार्यक्रम “नसा मुक्त समाज, हाम्रो अभियान” भन्ने मूल नाराका साथ सञ्चालन हुनेछ। झापाको दमक नगरपालिका वडा नं. ७ स्थित पशुहाटको खुला प्राङ्गणमा दिउँसो ४:०० बजेदेखि कार्यक्रम सञ्चालन हुने आयोजकले जानकारी दिएका छन्।
नेपालमा कुल लागू औषध प्रयोगकर्तामध्ये ८० प्रतिशतभन्दा बढी १५ देखि ३० वर्ष उमेर समूहका युवाहरू रहेका र वार्षिक ८ देखि १० प्रतिशतका दरले प्रयोगकर्ता थपिइरहेको तथ्याङ्क छ। यसले पारिवारिक विघटन, मानसिक तनाव, अपराधमा वृद्धि र राष्ट्रिय उत्पादकत्वमा गम्भीर असर पुर्याइरहेको सन्दर्भमा संगीत र कलाको माध्यमबाट चेतना फैलाउन यो अभियान सुरु गरिएको हो।
अभियानका प्रमुख उद्देश्यहरू निम्न अनुसार रहेका छन्:
युवा पुस्तामा सचेतना: संगीत र कलाको प्रभावकारी माध्यमबाट किशोर-किशोरी तथा युवाहरूलाई लागू औषधका घातक असरबारे बुझाउने र कुलतबाट टाढा राख्ने।
नसामुक्त समाज निर्माण: जनस्तरसम्म चेतना पुर्याएर स्वस्थ र सुरक्षित समाजको निर्माण गर्ने।
पुनस्थापना र काउन्सिलिङ: दुव्र्यसनमा फसेका व्यक्तिहरूलाई समाजबाट बहिष्कार गर्नुको सट्टा परामर्श (Counseling) र पुनस्थापना (Rehabilitation) मार्फत सामान्य जीवनमा फर्काउन उत्प्रेरित गर्ने।
सकारात्मक सोचको प्रवर्धन: मानसिक तनाव र डिप्रेसनजस्ता समस्यालाई खेलकुद, संगीत र सिर्जनात्मक गतिविधिमार्फत व्यवस्थापन गर्न प्रेरित गर्ने।
सामूहिक ऐक्यबद्धता: प्रहरी, विद्यालय, मिडिया, अभिभावक र स्थानीय समुदायलाई एउटै मञ्चमा ल्याएर यो सामाजिक समस्या उन्मूलन गर्ने।
कार्यक्रममा राष्ट्रिय स्तरका चर्चित गायकलगायत स्थानीय कलाकारहरूको बेजोड प्रस्तुति रहनेछ।
मुख्य आकर्षणहरू:
गायक केहेरसिं लिम्बु एण्ड द लुङा ब्यान्डको सांगीतिक प्रस्तुति
चर्चित गायक तथा कलाकार अशोक दर्जी
कलाकार गंगु क्षेत्री
FDC 4K Dance Crew तथा स्थानीय कलाकारहरूद्वारा सचेतनामूलक सांगीतिक एवं नृत्य प्रस्तुति
लागू औषधको कुलतबाट मुक्त भई सामान्य जीवनमा फर्किएका व्यक्तिहरूबाट प्रेरणादायी अनुभव तथा सन्देश आदानप्रदान
यसअघि असोज १६ गते आयोजित पत्रकार सम्मेलनमा संयोजक दिलकुमार लावतीको अध्यक्षता, पत्रकार प्रिती राईको सञ्चालन र विक्रम लिम्बुको प्रेस विज्ञप्ति वाचनमा कार्यक्रमको विस्तृत रूपरेखा सार्वजनिक गरिएको थियो। आयोजक संस्थाले स्वस्थ र सचेत समाज निर्माणका लागि यो अभियानमा ऐक्यबद्धता जनाउन तथा सत्य-तथ्य समाचार सम्प्रेषण गरी कार्यक्रम सफल पारिदिन सम्पूर्ण मिडिया र सञ्चारकर्मीहरूसँग हार्दिक अनुरोध गरेको छ।
विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...
दमक, २२ असोज । नेपाली कांग्रेस दमक नगर समितिको अधिवेशन आज बिहीबार दमक उद्योग वाणिज्य संघको सभाहलमा भव्य रूपमा सम्पन्न भएको छ। संविधानसभा सदस्य महेन्द्रा कुमारी सुब्बाको प्रमुख आतिथ्यमा सम्पन्न उक्त अधिवेशनमा डा. खगेन्द्र पाण्डे विशिष्ट...
दमक, २१ असोज । प्रदेश न १ कोशी प्रदेश जिल्लास्तरीय प्रथम दमक भेट्रान च्यालेन्ज कप-२०८३ को उपाधि विर्तामोडले जितेको छ । बुधबार सम्पन्न फाइनल खेलमा आयोजक दमक भेट्रान रातोलाई २-० गोल अन्तरले पराजित गर्दै विर्तामोड च्याम्पियन...
धनकुटा, १९ असोज । फोनिज प्रदेसको ८ औं बार्षिक साधारण सभा तथा १७ औं स्थापना दिवस भेडेटारको सगुरगढीमा सम्पन्न । सागुरगढी गाउँपालिकाका अध्यक्ष जितेन्द्र रुम्देली राईको प्रमुख आथित्यता र फोनिज प्रदेस न. १ का अध्यक्ष...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७