दमक, १७ असाेज । दमक–६ वर–पिपल चोकमा अवस्थित बिश्वाशिलो बचत तथा ऋण सहकारी संस्था लिमिटेडको १५औं वार्षिक साधारणसभा शनिबार भव्य रूपमा सम्पन्न भएको छ।

सहकारी संस्थाका अध्यक्ष अशिम राईको अध्यक्षतामा सम्पन्न उक्त साधारणसभामा राष्ट्रिय सहकारी बैंक दमक शाखा प्रमुख अर्जुन कार्की प्रमुख अतिथि रहेका थिए।

कार्यक्रमका अवसरमा सहकारीले वित्तीय कारोबारतर्फ उत्कृष्ट योगदान पुर्‍याउने विभिन्न विधाका सदस्यहरूलाई सम्मान तथा कदर पत्र प्रदान गरेको छ।

त्यस्तै, साधारणसभाकै अवसर पारेर दमक क्षेत्रमा लामो समयदेखि सक्रिय पत्रकारिता गर्दै आएका पत्रकार यज्ञराज (विष्णु सुब्बा) आङदम्बेलाई नगदसहित सम्मान पत्र प्रदान गरिएको छ। सम्मानित पत्रकार सुब्बालाई कार्यक्रमका अध्यक्ष अशिम राई तथा प्रमुख अतिथि अर्जुन कार्कीले संयुक्त रूपमा सम्मान पत्र र नगद पुरस्कार हस्तान्तरण गरेका थिए।

साधारणसभामा सहकारीको वार्षिक प्रगति प्रतिवेदन, भावी योजना तथा वित्तीय अवस्थाबारे छलफल हुनुका साथै संस्थालाई अझ सुदृढ र पारदर्शी बनाएर लैजाने प्रतिबद्धता व्यक्त गरिएको थियो।