दमककी लमु तामाङको मृत्यु कोरोनाबाट भएकाे हाेइन परिवार

 लिम्बुवान न्युज
                       

दमक । कोरोना संक्रमणबाट झापा दमककी एक महिला स्वास्थ्यकर्मीको मृत्यु भएको समाचार प्रति परिवारले गुनासो गरेका छन् ।

दमक ८ घर भएकी ६५ वर्षिया लमु तामाङको मृत्यु कोरोनाबाट मृत्यु भएको भनी सञ्चारमाध्यममा प्रकाशित,प्रसारित समाचार प्रति मृतकका परिवारले आपत्ति जनाएका हुन् । दमकको आम्दा अस्पतालमा लामो समय काम गरेर अवकास भएकी उनको गत आइतवार विराटनगरको विराट मेडिकल कलेजमा उपचारका क्रममा मृत्यु भएको थियो ।

 

उपचार अघि गरिएको पिसिआर परीक्षणमा संक्रमण देखिएपनि उपचारका क्रममा भने रिपोर्ट नेगेटिभ देखिएको थियो । उपचारका क्रममा विरामीको मृत्यु भएपछि दमक नगरपालिकाको स्वास्थ्य शाखाले मृतकलाई संक्रमणबाट नै मृत्युभएको सार्वजनिक गरेको थियो । स्वास्थ्य शाखाका कुवेर भट्टराईले प्राविधिक भूलवस हुन पुगेको भन्दै सुधार गरिएको प्रष्टयाए । ती मृतकलाई कोरोना संक्रमणवाट मृतकको सूचिवाट हटाइएको उनले जनाए । दमकमा हालसम्म संक्रमणवाट १८ जनाको ज्यान गएको छ ।यसैवीच, मृतकको शव अहिले धरानस्थित वीपी कोइराला स्वास्थ्य विज्ञान प्रतिष्ठानको शव गृहमा राखिएको छ । मृतकका छोराछोरी हाल वेलायत रहेकाले आए लगत्तै अन्त्येष्टि गरिने पारिवारिक स्राेतले जनाएको छ ।

सम्बन्धित समाचार

प्रदेश सरकार र आन्दोलनकारीबीच ३ बुँदे सहमति

विराटनगर, ११ फाल्गुन । १ नम्बर प्रदेश सरकार र प्रदेश १ पुनः नामाङकन संयुक्त संघर्ष समितिबीच दोस्रो चरणको वार्ता ३ बुँदे सहमति गर्दै सकिएको छ । विराटनगरको इस्टर्न स्टार होटलमा बुधबार सम्पन्न वार्तामा तेस्रो चरणको...

दमकमा याक्थुङ साम्लाे महाेत्सव हुने

दमक, ११ फाल्गुन । झापाको दमकमा फक्ताङलुङ साँस्किृतिक मञ्च(फक्ताङलुङ सयङ) केन्द्रीय कार्य समितिको आयोजनामा फागुन १८ र १९ गते याक्थुङ साम्लो महोत्सव हुने भएको छ । बिहिबार पत्रकार मञ्च दमकको सभाहलमा याक्थुङ लिम्बु कलाकारहरुको गौरवशाली...

पोक्लाबाङ यकको तेस्रो साधारणसभा सम्पन्न

फेदाप पोक्लाबाङ /पोक्लाबाङ यक माङगेन्ना लुङधुङ थामरुङ फेदाप संस्थाको तेस्रो बार्षिक साधारणसभा सम्पन्न भएको छ । १८ थरी लिम्बुहरुको प्रतिनिधिमुलक संस्था पोक्लाबाङ यक माङगेन्ना लुङधुङ थामरुङ फेदापको, फेदाप स्थित माङगेन्ना लुङधुङमा सम्पन्न साधारणसभाले संस्थाको बार्षिक...

फाेनिजकाे गतिविधिकाे अपब्याख्या गरेकाेमा आपत्ति

नेपाल पत्रकार महासंघ बाग्मती प्रदेशको कार्यक्रममा नेपाल आदिवासी जनजाति महासंघको विरोध गर्ने शैली अशोभनिय भएको भन्दै फोनिज लक्षित विरोधको आपत्ती जनाउँदै फोनिजले एक विज्ञप्ति जारी गरी बिरोध जनाएको छ । फोनिजका महासचिव मिलन लिम्बुले इतिहास...