काठमाडौं। संघीय लोकतान्त्रिक राष्ट्रिय मञ्च अन्तर्गत संघीय शेर्पा मञ्च र तामाङ्सालिङ् मञ्चले कोरोनाका कारण ढिलै भएपनि संयुक्त रुपमा भित्ते पात्रो प्रकाशन गरि सार्वजनिक गरे जनाएको छ ।

मञ्चको संघीय कार्यालय काठमाडौंमा शेर्पा मञ्चका अध्यक्ष तेण्डी शेर्पा र तामाङ्सालिङ् मञ्चका अध्यक्ष मिङमार लामाले क्यालेण्डर सार्वजनिक गरेका हुन् ।

कोरोना कहरका वावजुद पनि शेर्पा प्रान्त र तामाङ्सालिङ् प्रान्तको गाउँगाउँमा पहिचानको राजनीतिकलाई प्रचारको रुपमा यो क्यालेण्डरले थप मद्दत पुग्ने तामाङ्सालिङ् अध्यक्ष मिङमार लामाले बताएका छन् । त्यसैगरी शेर्पा जातीहरुमा सबै प्रकारको चेतना आएतापनि राजनीतिक चेतनाको कमीभएको हुँदा हालसम्म पनि देशको सबै तहतप्कामा समानुपातिक प्रतिनिधित्व पुग्न नसकेको हुँदा यसको निमित्त शेर्पा मञ्चले राजनीति अभियानको रुपमा शेर्पाहरुको घरआँगनमा पुगेर पहिचान संघीयताको राजनीति चेतनाको निमित्त यो क्यालेण्डर महत्वपूर्ण हुने अध्यक्ष टेण्डी शेर्पाले बताए ।

संघीय लोकतान्त्रिक राष्ट्रिय मञ्चको १०+१ प्रान्तीय मञ्च अन्तर्गत संघीय शेर्पा मञ्च, नेपाल र संघीय तामाङ्सालिङ् मञ्च, नेपाल दुई प्रान्तीय मञ्चहरु राजनीतिक रुपमा पछिल्लो समयमा निक्कै क्रियाशिल भइरहेको मञ्चका संघीय अध्यक्ष कुमार लिङ्देन मिराकले बताएका छन् ।