दमक। पाँचथरको साविक कुरुम्बामा स्थायी बसोबास भई बसाई सराईको क्रममा झापाको दमकमा बसोबास गर्ने कुरुम्बेलीहरुको सामाजिक संस्थाको रुपमा स्थापित कुरुम्बेली सामाज सेवा संघले विगत २र४ बर्ष देखि दमकमा सक्रिय सामाजिक कार्य गर्दै आइरहेको छ ।

यसैक्रममा बिहिबार कुरुम्बा २ मा जन्मभई इभाङ्मा विवाह भई गएकी कुरुम्बेली चेली पोलहाङ्मा लाओतीको असामयिक निधन भएपश्चात संस्थाले सदस्यहरुबाट संकलित रकम ३६ हजार २ सय पच्चान्नबे रुपैयाँ आज अन्त्येष्टी गरिएको कमल शावित्रा चौक समाधीस्थलमा मृतकका श्रीमान् राम कुमार योङ्हाङ् र छोराहरुलाई संस्थाका अध्यक्ष ऐमानसिङ लाओतीले प्रदान गरेका छन् ।

लाओतीलाई विहिबार दमक १ हवल्दार चौंक नजिकै आफ्नै व्यावसायिक घुम्तीमा मृत अवस्थामा भेटिएपछि दमक अस्पतालमा पोष्टमार्टम गरि शुक्रकार अन्तेष्टी गरिएको हो । मृतक लामो समयदेखि जण्डिज रोगबाट ग्रसित भएको पारिवारिक स्रोतबाट जानकारी प्राप्त भएको छ ।