ओयामको एक दस्तावेज “ओयाम एक तस्वीर” सार्वजनिक

 लिम्बुवान न्युज
                       

  • रमेश किरण सापकोटा

पाँचथर / पाँचथर याङ्वरक गाउँपालिका साबिक सुन्दर गाउँ ओयामको बारेमा कवि, साहित्यकार सुजन सेलिङद्वारा तयार पारिएको ऐतिहासिक खोजमुलक पुस्तक “ओयाम एक तस्वीर” सार्वजनिक भएको छ ।

पुस्तक भित्र राजनैतिक, सामाजिक, आर्थिक, पुरात्वतिक र ओयामका पञ्चायती व्यवस्था देखि अहिले सम्म ओयाम लाई नेतृत्व गर्ने जनप्रतिनिधिहरु को जिवनी साथै गायक, साहित्यकार, कलाकार, खेल क्षेत्रमा स्थापित खेलाडी हरुको जिवनी र विभिन्न पर्यटकीय, धार्मिक स्थल, जैविक विविधता को बारेमा वर्णन गरिएको छ ।

याङ्वरक गाउँपालिका वडा नं. ३ मा अवस्थित ओयामको इतिहास काल देखि वर्तमान सम्मका सम्पुर्ण विषयवस्तुहरुलाई समेटेर तयार गरिएको उक्त पुस्तक सोमबार याङवरक गाउँपालिका वडा नं. ३ स्थित श्री गुप्तेश्वर माध्यमिक विद्यालयको सभाहलमा विमोचन समारोह गरि सार्वजनिक गरिएको थियो ।

याङ्वरक गाउँपालिका वाड न ३ वडा समिती र सारथि युवा मंचको संयुक्त आयोजनामा गरिएको उक्त कार्यक्रममा सभाअध्यक्ष याङ्वरक गाउँपालिका-३ वडा समिति सदस्य मचिन्द्र सेलिङ, प्रमुक अतिथि पूर्व राज्यमन्त्री श्रीप्रसाद जवेगू, विशिष्ट अतिथि याङ्वरक गाउँपालिकाका अध्यक्ष लेखनाथ घिमिरे साथै याङ्वरक गाउँपालिकाका उपाध्यक्ष कमलकुमारी योङ्हाङ, प्रवक्ता बिमल राई, साहित्यकार प्रेम ओझा, पाँचथर बहुमुखी क्याम्पसका प्राध्यापक, सामाजिक अभियन्ता, पुस्तक समिक्षक तथा साहित्यकार मधुराज केरुङ ‘केवाहाङ’, साहित्यकार उदय साउदेन लगायत स्थानीय बुद्धिजीवी, राजनीतिक दलका प्रतिनिधि, विभिन्न संघ/संस्थाका प्रतिनिधि, शिक्षक साथै स्थानीय नागरिकहरुको उपस्थिती रहेको थियो ।

पुस्तक बिमोचनको क्रममा बोल्दै पुर्व मन्त्री जबेगुले सम्पुर्ण स्थानीय तहमा रहेका सम्बन्धित निकायले पनि यस्ता दस्तावेज मुलक पुस्तक निर्माण कार्यमा सहयोग तथा मार्गनिर्देशन दिनु पर्ने बताउदै लेखक सेलिङलाई बधाई दिएका थिए ।

कार्यक्रममा याङवरक गाउँपालिकाका उपाध्यक्ष कमलकुमारी योङहाङले आफ्ना कुरा राख्दै पुराना पुस्ताको सम्मानलाई नयाँ पुस्ताले उहाँहरुको योगदानलाई वृत्तचित्र झैँ उतारेर एउटा दस्तावेज बाट आफुले पनि केही ज्ञान प्राप्त गरेको भनी बताएका थिए ।

उपस्थित साहित्यकारहरु प्रेम ओझा, मधुराज केरुङ, उदय सावदेन र याङ्वरक गाउँपालिकाका प्रवक्ता बिमल राईले पुस्तक माथी समिक्षा गरेका थिए ।

कोरोना कहर बिच पनि पुस्तक बिमोचन कार्य सफल पार्न सबैको उपस्थिति तथा सहयोगी मनलाई हृदयबाट धन्यवाद दिदै आफ्नो जन्मभुमी प्रतिको मायालाई सदैव आत्मासाथ गर्दै अघि बड्ने भन्दै लेखक सेलिङ्ले खुशी व्यक्त गरेका थिए ।

सम्बन्धित समाचार

लिम्बुवान भोलेन्टियर्सका सह-कमाण्डर लाजेहाङ आइसियूमा

धरान, ९ चैत्र । संघीय लिम्बुवान प्रान्तीय मञ्च मातहत लिम्बुवान भोलेन्टियर्सका सह-कमाण्डर धरानस्थित विपि कोइराला स्वास्थ्य विज्ञान प्रतिष्ठानको सघन उपचार कक्षमा उपचार भईरहेको छ । उनी यहि चैत्र ५ गते विराटनगरको विरोध जनप्रदर्शनमा शसस्त्र प्रहरीसँगको...

घाइते आङदेम्बेलाई प्रतिष्ठानद्वारा आर्थिक सहयोग प्रदान

दमक, ८ चैत्र । शहीद राजकुमार आङदेम्बे ‘माङतोक’–मनिल तामाङ् स्मृति प्रतिष्ठानका उपाध्यक्ष दिपक आङदेम्बेका छोरा साम्योक आङदेम्बेलाई आर्थिक सहयोग प्रदान गरिएको छ । प्रदेश नं. १ पुनः नामाङकन संघर्ष समितिले गत चैत्र २८ गते गरेको...

‘कोशी’ प्रदेश नाम खारेजी आन्दोलनकाे कार्यक्रम पुनः घोषणा

दमक, ८ चैत्र । प्रदेश नं. १ पुनः नामाङ्कन संयुक्त सङ्घर्ष समितिले बुधबार फेरि आन्दोलनको कार्यक्रम विज्ञप्ति जारी गर्दै सार्वजनिक गरेको छ । षड्यन्त्रपूर्वक छलकपटपूणर् एवम् छापामार शैलीमा शासक जातीय एकल पहिचानको साम्प्रदायिक ‘कोशी’ प्रदेश...

शहीद मनिल तामाङको १४औं स्मृति दिवस मनाइयो

दमक, ७ चैत्र । राष्ट्रिय शहीद मनिल तामाङ्को १४औं स्मृति दिवसमा श्रद्धाञ्जली कार्यक्रम गरि विविध स्थानमा मनाइएको छ । २०६५ चैत्र ६ गते प्रहरीको गोली लागि धुलाबारीस्थित क्याम्पसमा शहादत्ता प्राप्त गरेका शहीद तामाङ्को स्मरण गर्दै...