रबि।  पाँचथरको मिक्लाजुङ गाउँपालिकामा एक कोरोना संक्रमितकाे निधन भएकाे छ ।

काेराेना संक्रमणका कारण मंगलबार एक जना ५१ वर्षीय पुरूषको ज्यान गएको हाे । ज्यान गुमाउने पालिकाकाे वडा नं. ४ का स्थायी बासिन्दा भएकाे जिल्ला स्वास्थ्य कार्यालय पाँचथरले जनाएको छ ।

केहिदिन अघिदेखि अन्य समस्या भइ उपचारका लागि झापा पुगेका वखत स्वाब परिक्षण गर्दा पोजिटिभ देखिएपछि उनलाई आफन्तले घरमै फिर्ता ल्याएका थिए । त्यसपछि पालिकाले सञ्चालनमा ल्याएको कोभिड अस्पतालकाे आइसोलेसन केन्द्रमा राखेर उनको उपचार भइरहेको थियो।

पाँचथरमा कोभिड अस्पतालकाे आइसोलेसनमा राखेर उपचारकै क्रममा मृत्यु भएकाे व्यक्ति जिल्लाकै  पहिलो घट्ना भएकाे गाउँपालिकाका अध्यक्षा अमर माखिमले बताएका छन् ।