दमक। जब पूर्वबाट उदाउँदै गरेको सूर्यलाई अर्घ दिएपछि आज छठ पर्व सकिएको छ । अघिल्लाे साँझ अस्ताउँदै गरेको सूर्यलाई अर्घ दिएका ब्रतालुहरुले आज बिहान उदाउँदै गरेको सूर्यलाई अर्घ दिए पछि छठकाे चार दिनकाे धार्मिक कार्यक्रम आज सकिएकाे हाे । सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने तराईमा बसाेबास गर्ने हिन्दु मधेसी जातीहरूकाे महान चाड छठको उल्लास सकिएको छ ।

कोरोना कहरसँगै याे बर्षका हिन्दु धर्मावलम्बीहरूकाे मुख्य चार्डपर्वहरू सकिएकाे छ । विगतमा जस्ताे उल्लासका साथ मनाउन नसकेता पनि मधेसी जनसमुदायहरूकाे बाहुल्यता रहेकाे तराइका महत्वपूर्ण स्थानहरूमा सुरक्षाा मापदण्ड अपनाएर भएपनि फरक ढंगले छठ मनाइएको छ । वीरगञ्ज, जनकपुर, विराटनगर लगायतका ठूला शहरहरूमा समेत खासै सजिसजाउ देखिएन । सरकारले पनि विसम परिस्थितबाट जाेगिन्न भक्तालुजनहरूलाइ सचेत गराएकाे हुँदा याे बर्ष त्यस्ताे उल्लासमय देखिएन ।

विशेष नियम र निष्ठासाथ मनाइने छठ पर्वका लागि नदी, पोखरी तथा जलाशयहरु सिँगारेर झकिझकाउ पार्ने गरिन्छ । भिडभाडमा काेराेना संक्रमण उच्च हुने भन्दै सरकारले सतर्क रहन सबैलाइ आग्रह गरेकाे हुँदा विगतका बर्षहरू जस्ताे झकिझकाउ नभएकाे स्पष्ट छ ।

छठघाटमै गएर शिरसोप्ताको पूजा, छठी मैयाको आराधना र सूर्यको उपासना गर्ने कतिपयले यसवर्ष घरको छत र आँगनमै पर्व मनाएका छन् । कोरोना संक्रमणको जोखिम कायमै रहेको भन्दै स्थानीय प्रशासन र स्थानीय सरकारले छठघाटमा भिडभाड नगर्न आग्रह गरे संगै सहर बजारका धेरै ब्रतालुहरुले घरको छत मै कृत्रिम पाेखरी बनाएर पुजा अर्चना गरेका छन् ।