काठमाडौं। काठमाडौंको माइतीघर मण्डलामा खसान संघर्ष समितिले आज धर्ना कार्यक्रमको आयोजना गरेको छ ।

खसहरुलाई आदिवासीमा सुचिकृत गराउन, खसआर्य समानुपातिक क्लस्टर अलग गराउन, मस्टो सांस्कृतिक चार्डमा सार्वजनिक विदाको माग र पहिचानको आधारमा खसान प्रान्त सहितको १ं०+१ प्रान्त स्थापना गर्न माग गर्दै धर्ना दिइएको संघर्ष समितिका अध्यक्ष प्रेम बहादुर खातीले बताए ।

विभिन्न प्ले कार्डहरु बोकेर धर्ना कार्यक्रममा पहिचान पक्षधरहरुको उपस्थिति रहेको थियो । पहिचानमा आधारित अन्य संगठनहरु संघीय लोकतान्त्रिक राष्ट्रिय मञ्च, खम्बुवान राष्ट्रिय मोर्चा, थरुहट थारुवान संघर्ष समिति, नेपा राष्ट्रिय पार्टी लगायतका पहिचानमा आधारित साना राजनैतिक दलका नेता तथा प्रतिनिधिहरुको समेत धर्नामा उपस्थिति रहेको थियो ।

कार्यक्रमलाई मञ्चका अध्यक्ष कुमार लिङ्देन मिराक, खम्बुवानका अध्यक्ष आर के खम्बू, थारु नेता लक्षमण थारु, नेपाका डा. विजय सैजु लगायत नेताहरुले सम्बोधन गरेका थिए ।

तस्वीरः दिपा लिम्बु र मिङमार लामाकाे फेसबुकबाट