चुलाचुलीमा १५ शैंयाकाे अस्पताल निर्माण गरिने

 लिम्बुवान न्युज
                       

चुलाचुली। इलामको दक्षिणी क्षेत्रमा अवस्थित चुलाचुली गाउँपालिकामा अस्पताल निर्माण हुने भएको छ । १५ शैयाको उक्त अस्पतालको
१ नम्वर प्रदेशका भुमि व्यवस्था कृषि तथा सहकारी राज्य मन्त्री राम रानाद्वारा शिल्यान्यास हुने वताइएको छ ।

सबै स्थानिय तहमा १५ शैयाको अस्पाताल निर्माण गर्ने नेपाल सरकारको निर्णय अनुसार यहि मंसिर १५ गते २ न। वडाको बाह्रगोठेमा निर्माण हुन लागेको अस्पतालको मन्त्री रानाले शिल्यान्यास गर्ने कार्यक्रम रहेको छ ।

त्यसैगरी मन्त्री रानाले वडा नम्वर १ र २ को सिमानामा पर्ने कुमाले खोलामा निर्माण हुन लागेको पक्कि पुलको समेत शिल्यान्यास गर्ने कार्यक्रम रहेको चुलाचुली गाउँपालिकाका अध्यक्ष प्रदिपचन्द्र राईले जानकारी दिनुभएको छ ।

उक्त अस्पताल १८ करोड ६ लाख रुपैयाँ लागतमा निर्माण हुने बताइएको छ । त्यसैगरी सोही दिन शिल्यानास गरिने पुलको निर्माण लागत ३ करोड ३१ लाख ८३ हजार ९२२ रुपैयाँ रहेको चुलाचुली गाउँपालिकाका प्रमुख प्रशासकिय अधिकृत काजिमान राईले बताए ।

गाउँपालिकाले गुरू योजनाको रूपमा यसै चालु आर्थिक वर्षमा सुरु गरेका योजनाहरू मध्ये हिमाली मार्ग हुदै तिनकुने पोखरी सम्म जाने १ करोड रुपैयाको लागतमा ८ सय मिटरको कालोपत्रे सडक निर्माण सुरु गर्ने तयारीमा रहेको छ भने गाउँपालिका भवन देखी सिम्लेसम्म जाने सडक १ करोड रुपैयाँको लागतमा ८ सय मिटर सडकको समेत निर्माण गरिने प्रशासकीय अधिकृत राईले बताएका छन् । उनले गाउँपालिका भवनको दोश्रो तला बनाउन १ करोड ७१ लाख रुपैयाँ छुट्टाइएको साथै वडा नम्वर १, ३, ४ र ५ को वडा कार्यलय भवनहरू घेराबारा गर्न ८० लाख रुपैयाँ बिनियोजन गरिएको बताएका छन् ।

सम्बन्धित समाचार

मेची राजमार्ग ठप्पः भोलीदेखि ताप्लेजुङ् बजार अनिश्चितकालीन बन्द

दमक, १२ मंसिर । प्रदेशको नाम कोशी खरेजी र ताप्लेजुङका पक्राउ परेका दुई कार्यकर्ता निसर्त रिहाइको माग राख्दै प्रदेश नं. १ पुन नामाङ्कन संयुक्त संघर्ष समितिले आयोजना गरेको बन्दको कारण मेची राजमार्ग ठप्प रहेको छ...

माङसेबुङ इक्ला सिजन २ का लागि ८ उत्कृष्ट प्रतियाेगी छानिए

दमक, १२ मंसिर । माङसेबुङ इक्ला सिजन २ गायन प्रतियोगितामा उत्कृष्ट ८ मा पर्न सफल प्रतियोगीहरुको नामावली सार्वजनिक गरिएको छ । चार चरणको अनलाइन अडिसन पार गरेर सेमिफाइनल (उत्कृष्ट ८) मा पुग्न सफल प्रतियोगीहरुकोे नाम सार्वजनिक...

जसपा लिम्बुवान राष्ट्रिय समिति अध्यक्षमा जेन्टल लावती सर्वसम्मत चुनिए

पाँचथर, मंसिर १२ । जनता समाजवादी पार्टी नेपाल, लिम्बुवान राष्ट्रिय समिति पुर्नगठन भएको छ । शनिबार पान्थरको फिदिमस्थित आयोजित एक कार्यक्रमले जेन्टल लावतीको अध्यक्षतामा नयाँ समिति गठन भएको हो । नवगठित समितिको उपाध्यक्षहरुमा एविराज आङदेम्बे,...

कोचिला अध्यक्षमा त्रिनारायण राजवंशी : तेह्रथुम अध्यक्षमा दिलबहादुर सोदेम्बा

दमक, १२ मंसिर । नागरिक उन्मुक्ति पार्टी (एकीकृत) कोचिला राष्ट्रिय समितिको प्रथम भेला सम्पन्न भएको छ । शनिबार मोरङ्को रंगेलीस्थित होटल मेरिनाको सभाहलमा भएको प्रथम भेलाले त्रिनायारण राजवंशीको अध्यक्षतामा समिति गठन गरेको हो । पार्टीका...