१३ गते नेकपाकाे सचिवालय बैठक बस्दै, अध्यक्षहरू एकअर्कामा आमनेसामने हुँदै

 लिम्बुवान न्युज
                       

काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक शनिबार बस्दैछ । बैठकमा प्रधानमन्त्री एवं पार्टी अध्यक्ष केपी शर्मा ओलीले राजनीतिक प्रस्ताव पेश गर्ने कार्यसूची रहेकाे छ ।

सचिवालय बैठकमा पेश गर्ने राजनीतिक प्रस्तावलाई ओलीले अन्तिम चरणमा पुर्‍याएको उनी निकटका नेताहरुले बताएका छन् । आफु निकट सचिवालय र स्थायी कमिटी सदस्यहरुसँग छलफल गरी ओलीले प्रतिवेदन तयार गरिरहेकाे वताइएकाे छ । दुइ अध्यक्षहरूकाे प्रतिवेदन आमनेसामने हुने बैठकलाइ धेरै महत्वका साथ हेरिएकाे छ ।

प्रम तथा पार्टी अध्यक्ष ओलीले तयार गरेको प्रतिवेदनमा अध्यक्ष प्रचण्डले गत ३ गते सचिवालयमा पेश गरेको एक एक गरी जवाफ दिने प्रयास गर्ने वताइएकाे छ । साथै ओलीले पनि आफ्नो प्रतिवेदनमा प्रचण्डलाई विभिन्न आरोप लगाउनुको साथै युद्व अपराधको नाममा हेगसम्म पुर्याउन सकिने विषय समेत बताइएकाे छ ।

यसरी समग्रमा हेर्दा ओलीले प्रचण्डलाई तर्साएर प्रतिवेदन फिर्ता लिन बाध्य बनाउने रणनीति लिएको बुझ्न सकिन्छ । यद्दपी प्रधानमन्त्री ओलीको प्रतिवेदनपछि पार्टी विवाद थप चुलिने आंकलन गर्न थालिएकाे छ । दाहालले ओलीलाई पार्टी पद्धती र विधान अनुरुप नचलाएको आरोप प्रतिवेदनमा लगाएका छन् ।

पार्टीभित्र विवाद चुलिदै जाँदा नेपाका अध्यक्ष ओली र दाहाल एक अर्का विरुद्ध आरोप प्रत्यारोपमा उत्रिएका छन् । ओली पक्षले पटक-पटक गरेको आग्रहलाई वेवास्था गर्दै प्रचण्ड माधव समूहले सचिवालयमा प्रस्तुत प्रतिवेदन तल्ला कमिटीमा बाँडेकोले नेकपा फुटको दिशामा रहेको आँकलन गरिएको छ ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...