दमक। संविधानमा उल्लेख भएको संघीय लोकतान्त्रिक गणतन्त्र यतिवेला धरापमा परेको भन्दै संघीय लोकतान्त्रिक राष्ट्रिय मञ्चका अध्यक्ष कुमार लिङ्देन मिराकले चिन्ता व्यक्त गरेका छन् ।

आदिवासी अग्रजहरुले ०३६ साल, ०४६ साल र ०६२/०६३ को जनआन्दोलनमा बहुदल र गणतन्त्रको पक्षमा स्पष्ट अडान लिन नसक्दा देश ५० बर्ष पछि परेको आज सामाजिक संजाल फेसबुकमा आफ्नो विचार राख्दै प्रधानमन्त्री हाक्ने माइण्डले गाउँको एउटा वार्ड विस्तार गर्दै हिड्नु पर्ने विवस्ता रहेको बताएका छन् ।

आदिवासीहरुको राजनैतिक लाइन नै विकसित गर्न नसक्दा राजा जस्तै दौरा सुरुवालमा सजिएर आफूलाई दोस्रो राजाको उपनाम पाउँदै मक्ख परेर आज झिंगा धपाउँदै हिड्न बाध्य भएका छौं ।

अध्यक्ष मिराकले अबको लाइन गणतन्त्र तर्फ उन्मुख भईसकेको हुँदा पुनः कथित राजतन्त्र तर्फ नजान आम आदिवासीहरुलाई आग्रह गरेका छन् । उनले पिता पुर्खाले गरेका हिजोको गल्तीलाई विश्लेषण गरि थप मजबुत बनाउँन र संघीय लोकतान्त्रिक गणतन्त्रलाई रक्षा गर्न सबैमा आव्हान गरेका छन् ।

उनले त्यसैगरी आजै अर्को अभिव्यक्ति दिनु हुँदै नेकपा विवादले पूर्व प्रधानमन्त्रीलाई हेगमा लाने हल्लाको बचाउँ गर्दै प्रचण्ड फेरि पनि १०+१ प्रान्तको पक्षमा उभिए आफ्नो दलले सहयोग गर्ने बताएका छन् । उनले लेखेका छन् हामी उनको पक्षमा गृहयुद्धसम्म लड्न निसंकोच रुपमा सडकमा आउने छौं । यद्यपी अध्यक्ष मिराकले आफू कहिल्यै कम्यूनिष्ट हुन नसक्ने धारणा राखेका छन् ।