चतुरे-इभाङ-गजुरमुखी सडक कालोपत्रेको काम तिब्र

 लिम्बुवान न्युज
चतुरे-इभाङ-गजुरमुखी सडक कालोपत्रेको काम तिब्र

माङसेबुङ। ईलामकाे माङसेबुङ गाउँपालिकामा पर्ने दमक चिसाेपानी रबि (फाल्गुनन्द मार्ग) सडकसँग जाेडिएकाे  चतुरे-ईभाङ-गजुरमुखी  सडक कालोपत्रेको काम तीब्र पारिएकाे छ ।

करिब साढे १३ किमी लम्बाईको सो सडकको सब ग्रेड, सब बेस, बेस नाली वाल लगायतका कामहरू भइ करिब ७० प्रतिशत काम पूरा भएको सो सडकका ईन्जीनियर नारायण बस्नेतले जानकारि दिएका छन् ।

उक्त सडक निर्माणले त्यस क्षेत्रका बासिन्दा हर्षित र उत्साहित भएका छन् । स्थानीय स्तरमा होटल, खाजाघर, किराना पसल साथै अन्य व्यापार व्यवसाय गर्नेको संख्या दिनानुदिन बढ्दै गएकाे छ स्थानीय प्रेमबहादुर कार्की बताउँछन् ।

३ वर्ष अघि गजुरमुखिदेखि चतुरेसम्म सडक छेउमन १/२ वटा मात्र पसलहरु संञ्चालनमा रहेकोमा अहिले करिब २०/२२ वटा जति पसलहरु संञ्चालनमा आउन थालेको स्थानीय व्यापारी प्रेमबहादुर कार्की बताउँछन् ।

संघीय मामिला तथा सामान्य प्रशासन मन्त्रालय अन्तर्गत स्थानीय पूर्वाधार विकास तथा कृषि सडक विभाग (डोलिडार) को ग्रामीण सडक सञ्जाल सुधार आयोजना मार्फत ३१ करोड रुपैयाँको लागतमा साे सडक निर्माण भइरहेकाे छ ।

दमक-चिसापानी-रवि (फाल्गुनन्द मार्ग) सँग जोडिएकाे उक्त सडक निर्माण कम्पनीले ५ वर्षको अवधिमा सक्नेगरी सम्झाैता भएकाे छ भने थप १ बर्ष निर्माणका बखत भएका कमी कमजोरी सच्याएर सुधार गर्नका लागि दिइएको छ । बाँकी २ वर्ष कार्य सम्पादनका आधारमा मर्मतसम्भार गर्ने समय कम्पनीलाई दिइएको हाे ।

सडक निर्माणमा नेपाल सरकारको २० प्रतिशत र एडिबिकाे ऋण ८० प्रतिशत खर्च हुने जनाइएकाे छ । २०७५ २५ मङ्सिरमा आयोजना कार्यान्वयनका लागि कम्पनी र डोलीडारबीच सम्झौता भएको थियो । जम्मा तीन दशमलव ७५ मिटर चौडाइको कालोपत्रे र ५ दशमलव २५ मिटर सबवेससहित नाली निर्माण हुने छ ।

जिल्लामै पहिलोपटक ग्रामीण भेगमा कालोपत्रे सुरु भएपछि त्यहाँका बासिन्दा उत्साहित भएका छन् । सो सडक कालोपत्रे भएपछि माङसेबुङ क्षेत्रको विकासमा महत्वपूर्ण फड्को मार्ने बताइएकाे छ । प्रसिद्ध धार्मिक पर्यटकीय स्थलहरू गजुरमुखीधाम र माङसेबुङ आवतजावतमा समेत सहज हुने माङसेबुङ गाउँपालिकाका अध्यक्ष डिकेन्द्र इधिङगाे बताउँछन् ।

सम्बन्धित समाचार

प्रदेश १ को प्रदेशसभा बैठक आजबाट शुरु

विराटनगर। प्रधानमन्त्री केपी शर्मा ओलीले प्रतिनिधिसभा विघटन पश्चात प्रदेश नं. १ मा आज प्रदेशसभाको बैठक शुरु हुने भएको छ । विवादका बीच शुरु हुने बैठकलाई ध्यानमा राख्दै सदस्यहरु बस्ने कुर्सीमा समेत फलामको पाता वेइल्डिङ् गरिएको...

अमेरिकामा आज जोन वाइडेनले राष्ट्रपतिको सफथ लिँदै, डोनाल्ड राष्ट्रपति भवनबाट आज घरफर्कदै

एजेन्सी। आज संयुक्त राज्य अमेरिकाको राजधानीमा मध्यान्ह एक समारोहका बीच निर्वाचित राष्ट्रपति जोइ बाइडेनले पदभार ग्रहण गर्ने कार्यक्रम रहेको छ । उक्त समारोहबाट बाइडेनले राष्ट्रपतिको पदीय शपथ लिदै ह्वाइट हाउसको यात्रा तय गर्नुहुनेछ । संसार...

प्रवासी विष्णु इङ्नामको “औठी बैना” भिडियो सार्वजनिक

दमक, माघ ६। लामो समयदेखि हङकङ्मा रहेर पनि नेपाली गीत संगीतलाई माया गर्ने गीतकार तथा मोडल विष्णुकुमार इङनामको “औँठी बैना” बोलको म्युजिक भिडियो सार्वजनिक भएको छ । विष्णुकुमार इङनाम युट्युब च्यानलबाट सार्वजनिक गरिएकोे उक्त गीतमा...

चन्द्रदर्शन सहकारीको अध्यक्षमा शान्ताकुमार विजयी

दमक, माघ ६।  झापाको कमल ५ स्थित चन्द्रदर्शन बचत तथा ऋण सहकारी संस्थाको नयाँ सञ्चालक समिति चयनका लागि भएको निर्वाचनको मतपरिणाम सार्वजनिक भएको छ । गएराती सम्पन्न मत परिणाम अनुसार संस्थाको अध्यक्षमा शान्ताकुमार राई विजयी...