जसपा प्रदेश समितिको सपथ ग्रहण सम्पन्न

 लिम्बुवान न्युज
                       

इटहरी। जनता समाजवादी पार्टी प्रदेश १ का मनोनित सदस्यहरु र विभिन्न निकायका प्रमुखहरुलाई आइतबार सपथ गराइएको छ ।

प्रदेश पार्टीको कार्यकारिणी बैठकको अवसर पारेर सपथ ग्रहण समारोह आयोजना गरिएको अध्यक्ष प्रवीण चाम्लिङले जानकारी दिए । इटहरीस्थित जसपा प्रदेश १ समितिको कार्यालयमा आयोजित समारोहलाई सम्बोधन गर्दै अध्यक्ष चाम्लिङले सत्तासिन नेकपाकै नेतृत्वमा जनयुद्ध, मधेस विद्रोह, आदिवासी जनजाति आन्दोलन, खस आन्दोलनका उपलव्धिलाई समाप्त पार्ने षड्यन्त्र भैरहेको भन्दै कडा प्रतिवादमा उत्रने दिन आइसकेको बताए । प्रदेश नम्बर १ को नाम पार्टीले “किरात-लिम्बुवान-मधेस-शेर्पालुङ प्रदेश” राख्नुपर्ने माग अघि सारेको उनले स्पष्ट पारे ।

त्यस्तै पार्टीका केन्द्रीय सदस्य दिपक मेन्याङ्बोले पहिचान र सङ्घीयता पक्षधरहरुको बृहत् ध्रुवीकरणको उपज नै जनता समाजवादी पार्टीको निर्माण भएको जिकिर गरे । मनोनित सदस्यहरुको तर्फबाट राम मान्डुपा राईले बोलेका थिए ।  प्रदेश समितिको तर्फबाट उपाध्यक्ष दिपक याक्खाले मनोनित सदस्यहरुलाई शुभकामना व्यक्त गर्दै पार्टीको गाईघाट बैठकले दिएको कार्यादेश अनुसार मनोनयन कार्य पूरा गरिएको बताए । सहभागीलाई अर्का उपाध्यक्ष उमेश थापाले स्वागत गरेका थिए ।

कार्यक्रममा पार्टीका केन्द्रीय सदस्यहरु नवराज गुरुङ, सुनसरी जिल्ला अध्यक्ष भगिरत खत्वे, भोग्राहा नरसिंह गाउँपालिकाका उपाध्यक्ष पुनम मेहता, वडा नं ३ का वडा अध्यक्ष सुकदेव यादव लगायत प्रदेश समितिका सदस्य लगायत उपस्थित थिए ।

गत असोज २३-२४ गतेको प्रदेश कार्यकारिणी समिति बैठकले मनोनित गरेका ५ जना प्रदेश निकाय प्रमुख, १७ जना प्रदेश सदस्यलाई सपथ गराइएको जसपा प्रदेश १ मुख्य सचिव प्रभुराम श्रेष्ठले जानकारी दिए ।

आज प्रदेश विज्ञ परिषद प्रमुख विष्णु लावती, लेखा परीक्षण आयोग प्रमुख हरि न्यौपाने, प्रदेश सदस्यहरु केशरमान गुरुङ, राम मान्डुपा राई, सुशील राई, कृष्ण लिम्बू, नन्द याम्फू, मनोज यदव, जहरमान लिम्बू, प्रज्वल भण्डारी, सीताराम राईले सपथ लिएका थिए । सपथ लिन छुटेका निकाय प्रमुख र सदस्यहरुलाई आगामी बैठकमा सपथ गराइने पार्टी स्रोतले जनाएको छ ।

सम्बन्धित समाचार

संयुक्त पहिचानवादी मोर्चा भोक्राहानरसिंह गाउँपालिका गठन

सुनसरी, ७ जेठ । संयुक्त पहिचानवादी मोर्चा भोक्राहानरसिंह गाउँपालिका समिती गठन भएको छ । रहमतुलम मन्सुरीको संयोजकत्वमा २९ सदस्य समिती गठन गरिएको हो । यसैगरी सहसंयोजकमा हसबुल मिया, सदस्य सचिवमा वादिल अन्सारी, सह-सचीवमा खतिजा खातुन...

केवलकार निर्माण नारोकिए कडा संघर्ष गर्ने चेतावनी

ललितपुर, ६ जेठ । मुक्कुमलुङ संरक्षण तथा केवलकार निर्माण खारेजी तत्काल नरोकिए कडा प्रतिवाद गर्ने चेतावनी दिएका छन् । केवलकार निर्माणलाई विकासको योजना भन्दै उपनिवेशीकरण, अतिक्रमण, मानवअधिकार उल्लंघन तथा जबर्जस्ती अगाडि नबढाउन ललितपुरमा आयोजित पत्रकार...

गंगा साउदेनको संयोजकत्वमा संयुक्त पहिचानवादी मोर्चा गठन

दमक, ६ जेठ । इलामको चुलाचुलीमा संयुक्त पहिचानवादी मोर्चा गठन भएको छ । मंगलबार चुलाचुलीस्थित आपझोलामा भएको एक कार्यक्रमले गंगा साउदेन लिम्बुको संयोजकत्वमा मोर्चा गठन गरिएको हो । उक्त कार्यक्रमले समितिको सहसंयोजकहरुमा विरमान तामाङ, विक्रम...

कोशी नाम खारेजी आन्दोलन साझा नाममा सहमति खाेज्ने र राजनीतिक संवाद गर्दै अघि बढाउने

ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति...