केराबारीमा १६औं राष्ट्रिय विभूति फाल्गुनन्दको १३७औँ जन्मजयन्ती मनाइँदै

 लिम्बुवान न्युज
                       

दमक, १८ कार्तिक । किरात धर्मावलम्बीहरुले मोरङ जिल्लाको केराबारी गाँउपालिका ७ स्थित मुहिङगुम अङसिमाङ लिङदेन फाल्गुनन्द मिङसो माङहिममा १६औं राष्ट्रिय विभूति महागुरु फाल्गुनन्द लिङदेनको १३७औं जन्मजयन्ती मनाउने भएका छन् । यहि कात्तिक २५ गते महागुरु लिङदेनको जन्मजयन्ती किरातीहरुले भव्य रुपमा मनाउने भएका हुन् ।

विश्व शान्ति तथा मानव एकताका प्रवर्तक, किरात धर्म दर्शनदाता फाल्गुनन्दका जन्मजयन्तिको अवसरमा विविध कार्यक्रमहरुको आयोजना हुने भएको छ । सोअनुरुप २३ गते सप्तकोशीमा गालीश्राप बगाउने, २४ गते विश्वशान्ति मानव एकताको निम्ति सेवा पूजा र २५ गते महागुरु फाल्गुनन्द लिङदेन १३७औं जन्मजयन्ती मुल समारोहको प्रदेश नं ः १ को मुख्यमन्त्री राजेन्द्र राइको हस्तबाहुलीबाट समुदघाटन गरिनेछ ।

सोही दिन किरात धर्मगुरु आत्मानन्द लिङदेन सेइङ तथा किरात धर्म गुरुआमा साँवा पवित्र हाङमा लिङदेनज्युहरुको हस्तबाहुलीबाट मुहिगुम अङसिमाङ महागुरु फाल्गुनन्द लिङदेन मिङसो माङहिमको समुदघाटन एवं महागुरु फाल्गुनन्दको पूर्णकदको सालिक अनावरण गरिने छ ।्र केराबारी क्षेत्रलाई धार्मिक पर्यटकीय क्षेत्रको रुपमा विकास गर्ने, सांस्कृतिक विविधतालाई प्रचारक प्रसार गर्ने भनेर महागुरु फाल्गुनन्द लिङदेन मिङसो माङहिमका सचिव जयकुमार जबेगुले बताए ।

किरात धर्मगुरु आत्मानन्द लिङदेन सेइङबाट आशिर्वचन, विविध साँस्कृतिक झाँकीहरू समेत प्रस्तुत गरिने छ । बेलुकी दिपावली र माङलाङ, केलाङका साथमा मुन्धुमी गायक ब्रबिम सेर्मा र सुनिता थेगिमको बेजोड साँस्कृतिक कार्यक्रमहरु हुने, कार्तिक २६ गते परपाहुना, इष्टमित्रहरुलाई विदाई गरेर यो वर्षको महागुरु फाल्गुनन्द जन्मजयन्ती कार्यक्रम सम्पन्न गर्ने आयोजक विमल चेम्जोङले बताए ।

विश्व महामारी कोरोनालाई मध्यनजर गरी सबै सुरक्षा मापदण्ड अपनाई सामाजिक दुरी कायम गर्दै कार्यक्रम आयोजना गर्ने १३७औं जन्मजयन्ती मूल आयोजक समारोह समितिका अध्यक्ष अमरदल मिभकले बताए ।

केराबारी गाँउपालिकामा माङहिम समुद्धाटन र महागुरु फाल्गुनन्द लिङदेनको उच्चकदको सालिक अनावरण मात्र होइन, यहाँ मुन्धुमी बिद्यालय निसामहिम् साथै मुन्धुमी योग साधना केन्द्र खोल्न प्रयत्न गर्ने भनेर माङहिमका सल्लाहकार लाखमान थेगिमले बताए । हामी कार्यक्रमको अन्तिम तयारीमा छौ, कार्यक्रममा देशविदेशबाट पाहुनाहरू आउने क्रम सुरु भैसकेको छ । हामी किरात धर्मावलम्बीहरु विश्व शान्ती तथा मानव एकताका लागि नै भेला हुने छौ । हामी सत्य शान्ति र अहिंसा प्रेमी मानुभावहरुलाई स्वागत गर्न आतुर छौ भनेर महागुरु फाल्गुनन्द लिङदेन १३७औं जन्मजयन्ती मुल समारोहका सचिव ज्ञानु राईले बताए ।

सम्बन्धित समाचार

दमकमा चासाेक तङ्नाम भव्य रूपले सम्पन्न

दमक, २२ मंसिर/ किरात याक्थुङ लिम्बूहरुको महान चाड चासोत् तङ्नाम ५०८४ को अवसरमा विभिन्न कार्यक्रम सहित आज सम्पन्न भएको छ । विहिवार झापाको दमक ७ स्थित किरात भवनमा किरात याक्थुङ् चुम्लुङ् दमक नगर समितिको आयोजनामा चासोत...

किरातीहरुले उधौली पर्व मनाउँदै

दमक, २२ मंसिर । किरात जातीहरुले आज देखि उधौली पर्व मनाउँन शुरु गर्दैछन् । राई, लिम्बु, याक्खा र सुनुवार चार जातिहरुले यो पर्वलाई विशेष पर्वको रुपमा मनाउने गर्दछन् । नेपाल सरकारले आजको दिन राष्ट्रिय चार्डको...

आयोगले गरयो प्रतिनिधिसभा र प्रदेशसभा समानुपातिक तर्फ दलहरुले पाएको सिट निर्धारण

काठमाडौं, २१ मंसिर । निर्वाचन आयोगले प्रतिनिधि सभा र प्रदेश सभाको समानुपातिकतर्फ दलहरुले पाएको सिट निर्धारण गरेको छ । निर्वाचन आयोगका अनुसार प्रतिनिधि सभामा एमालेले सबभन्दा धेरै ३४ सिट पाएको छ । कांग्रेसले ३२, माओवादी...

कतार विश्वकप २०२२ को क्वाटरफाइनलमा पुगे यि ८ टोली

काठमाडौं, २१ मंसिर । एसियाली राष्ट्र कतारमा जारी २२औं संस्करणको फिफा विश्वकप फुटबल प्रतियोगिता २०२२ को क्वार्टरफाइनलमा पुग्ने ८ टोलीको टुंगो लागेको छ । गएराति पोर्चुगल र स्विट्जरल्याण्डको खेल सकिएसँगै अन्तिम ८ मा पुग्ने टोलीको...