पहिरो पिडित ४६ घरपरिवारलाई राहत वितरण

 लिम्बुवान न्युज
                       

लिम्बुवानखबर, पाँचथर । पाँचथरको मिक्लाजुङ गाउँपालिका वडा नं. ५ र इलामको माङसेबुङ गाउँपालिका वडा नं. ६ मा पुगेर पहिरो पिडित ४६ घरपरिवारलाई खाद्यान्न राहत वितरण गरिएको छ । किरात राई विद्यार्थी संघ जिल्ला कार्य समिति झापाका अध्यक्ष मिलन राई र किरात याक्थुङ चुम्लुङ चुलाचुली गाउँपालिकाका अध्यक्ष सागर जवेगुको पहलमा पहिरो पिडित क्षेत्रमा पुगेर खाद्यान्न राहत वितरण गरेका हुन् ।

नेपाल आदिवासी जनजाति महासंघ मकाउका अध्यक्ष भीमकुमार किराती राई र मकाउमा रहने सहयोगी दाताहरुबाट प्राप्त एक लाख ५० हजार बराबरको खाद्यान्न सामग्री खरिद गरि वितरण गरिएको चुम्लुङ अध्यक्ष सागर जवेगुले बताए ।

मिक्लाजुङ गाउँपालिका वडा नं. ५ का वडाध्यक्ष अविनाश लावतीको उपस्थितिमा वडाभित्रका पहिरो पिडित ४२ घरपरिवारलाई राहत वितरण गरिएको थियो भने माङसेबुङ गाउँपालिका वडा नं. ६ का वडाध्यक्ष प्रदिप साङपाङको उपस्थितिमा पहिरो पिडित ४ घरपरिवारलाई खाद्यान्न राहत वितरण गरिएको हो ।

राहत वितरण कार्यक्रममा अभियान्ता मिलन राई, सागर जवेगु, समाजसेवी राजेन्द्र केरुङ, होसि राई, सम्भु राई र अनिल थापा लगायतको सहभागिता रहेको थियो ।

गत कार्तिक १ र २ गते परेको अविरल बेमौषमी वर्षाका कारण नेपालका विभिन्न ठाउँहरु बाढि पहिरोले धेरै जनधनको क्षति भएको थियो भने अझै कति बेपत्ता रहेका छन् । जसमा माङसेबुङ् गाउँपालिका वडा नं. ६ मा ३ जना त्यसैगरी मिक्लाजुङ गाउँपालिकामा २१ जनाको मृत्यु भएको थियो ।

सम्बन्धित समाचार

सात दलले पायो राष्ट्रिय मान्यताः निर्वाचन आयोग

काठमाडौं, १६ मंसिर । निर्वाचन आयोगका अनुसार हालसम्म सात वटा राजनीतिक दलहरुले राष्ट्रिय पार्टीको मान्यता पाएको छ । निर्वाचन आयोगका समानुपातिकतर्फका प्रवक्ता गुरुप्रसाद वाग्लेले शुक्रबार अपराह्नसम्मको समानुपातिकतर्फको मतपरिणाम अनुसार नेकपा एमाले, नेपाली कांग्रेस, नेकपा माओवादी...

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...

एडिबीको सहायतामा रतुवा खाेलामा तटबन्धन

दमक/ दमक ७ स्थित नेपाल रेडक्रस सोसाइटी उपशाखा दमकको भवन छेउ हुँदै उत्तर तर्फ रतुवा खोलाको कटानग्रस्त क्षेत्रमा कटान न्यूनिकरणका लागि एशियाली बिकास बैंकको ऋण सहायतामा तटबन्धन बन्ने भएकाे छ । लाेकमार्गबाट उत्तर तर्फ रतुवा...