फाकफोकका पाँच वर्षिय दिपशन राईको उपचारका लागि आर्थिक सहयोगको अपिल

 लिम्बुवान न्युज
                       

इलाम : फाकफाेकथुम गाउँपालिका वडा नम्बर १ का दिपशन राईको उपचारका लागि परिवारले आर्थिक सहयोगको अपिल गरेको छ ।

साविक आम्चाेक ७ निवासी देउप्रसाद राईको कक्षा १ मा अध्ययनरत पाँच वर्षिय छोरा कार्तिक १४ गते विहान ९:३० बजे विद्यालय जाने क्रममा छिमेकीको घरमा छुर्पी पकाउँदै गरेको तातो पानीमा डुवेर गम्भीर घाइते भएको पारिवारिक श्रोतले जनाएको छ । बालककाे उपचार गर्न इलाम अस्पताल लगिएपछि अन्यत्र रेफर गरेको थियो ।

हाल उनको बिराटनगर म्यास इन्टरनेशनल हस्पिटलको आइसियु कक्षमा उपचार भइरहेको छ । उनको उपचार गर्न दैनिक ५० हजार भन्दा बढी खर्च भइरहेको र अस्पतालले करिब १० लाख खर्च हुने बताएको छ । पीडित बालकले अध्यन गर्दै गरेको छाँयादेवी माद्यामिक बिद्यालय लुङ्सुङ्दानङले २२ हजार नगद रुपैयाँ प्रदान गरेको छ । त्यसैगरी,चलचित्र कलाकारकर्मी रितेश जंग पौडेल खत्रीको परिवारबाट २० हजार नगद रुपैयाँ उपलब्ध गराएको बालककी आमा टीका याङ्देम्बा नेम्बाङले जानकारी दिइन् । सामाजिक अभियान्तको रूपमा सकृय काम गरिरहेका खत्रीले आफ्नोतर्फबाट पनि बालकको उपचार खर्च जुटाउन पहल गरिरहेको जानकारी दिए ।

आर्थिक अवस्था अत्यन्तै कम्जाेर भएका परिवारलाई छोराको उपचार गर्न कठिन भएकोले फाकफोकथुम घर भइ हाल दक्षिण कोरियामा कार्यरत बिरेन्द्र पौडेल र सुरेश कार्कीको अगुवाई आर्थिक सहयोग जुटाउन शुरु गरिएको छ ।

इच्छुक महानुभावले 01096736715 मा सम्पर्क गरि विज्ञान पौडेलको नाममा दक्षिण काेरियाको NH Bank खाता नम्बर 3521391476153 मा र नेपालकाे लागि देउप्रसाद राईको मोबाइल नम्बर ९८६१९९१९३९ मा सम्पर्क गरि सानिमा बैंकको खाता नम्बर ००६०११०६०००१७५८ रकम जम्मा गरि सहयोग गरिदिन आग्रह गरिएको संकलनकर्ता कार्कीले बताए ।

सम्बन्धित समाचार

मेची राजमार्ग ठप्पः भोलीदेखि ताप्लेजुङ् बजार अनिश्चितकालीन बन्द

दमक, १२ मंसिर । प्रदेशको नाम कोशी खरेजी र ताप्लेजुङका पक्राउ परेका दुई कार्यकर्ता निसर्त रिहाइको माग राख्दै प्रदेश नं. १ पुन नामाङ्कन संयुक्त संघर्ष समितिले आयोजना गरेको बन्दको कारण मेची राजमार्ग ठप्प रहेको छ...

माङसेबुङ इक्ला सिजन २ का लागि ८ उत्कृष्ट प्रतियाेगी छानिए

दमक, १२ मंसिर । माङसेबुङ इक्ला सिजन २ गायन प्रतियोगितामा उत्कृष्ट ८ मा पर्न सफल प्रतियोगीहरुको नामावली सार्वजनिक गरिएको छ । चार चरणको अनलाइन अडिसन पार गरेर सेमिफाइनल (उत्कृष्ट ८) मा पुग्न सफल प्रतियोगीहरुकोे नाम सार्वजनिक...

जसपा लिम्बुवान राष्ट्रिय समिति अध्यक्षमा जेन्टल लावती सर्वसम्मत चुनिए

पाँचथर, मंसिर १२ । जनता समाजवादी पार्टी नेपाल, लिम्बुवान राष्ट्रिय समिति पुर्नगठन भएको छ । शनिबार पान्थरको फिदिमस्थित आयोजित एक कार्यक्रमले जेन्टल लावतीको अध्यक्षतामा नयाँ समिति गठन भएको हो । नवगठित समितिको उपाध्यक्षहरुमा एविराज आङदेम्बे,...

कोचिला अध्यक्षमा त्रिनारायण राजवंशी : तेह्रथुम अध्यक्षमा दिलबहादुर सोदेम्बा

दमक, १२ मंसिर । नागरिक उन्मुक्ति पार्टी (एकीकृत) कोचिला राष्ट्रिय समितिको प्रथम भेला सम्पन्न भएको छ । शनिबार मोरङ्को रंगेलीस्थित होटल मेरिनाको सभाहलमा भएको प्रथम भेलाले त्रिनायारण राजवंशीको अध्यक्षतामा समिति गठन गरेको हो । पार्टीका...