लिम्बुवान मञ्चले विभिन्न स्थानमा देउसी भैली खेल्दै मनाउँदै दिपावाली

 लिम्बुवान न्युज
                       

दमक, २१ कार्तिक । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल अन्तर्गतका जिल्लामातहतका स्थानीय पालिका र वडा समितिहरुले विभिन्न स्थानहरुमा देउसी भैली खेल्दै तिहार पर्व (बलिहाङ तङनाम) मनाएको छ ।

मञ्चले सबै पालिकाहरुलाई पर्वहरुमा देउसी भैली खेल्दै कार्यकर्ताहरुको घर घरमा पुगेर लिम्बुवानको मुद्दालाई कसरी स्थापित गर्ने भनी पर्वलाई उपयोग गर्दै देउसी खेल्न भनेको थियो ।

तराईको झापा, मोरङ र सुनसरी जिल्ला अन्तर्गतका विभिन्न पालिकाहरुले देउसी खेलेका छन् । मोरङको उर्लाबारी, पथरीशनिश्चरे, लेटाङ, बेलबारी, सुन्दरहरैचा, केराबारी र मिक्लाजुङ् पालिकाहरुले देउसी खेलेका छन् । त्यसैगरी सुनसरीको इटहरी र धरान उपमहानगरपालिका समितिले पनि देउसी खेलेका छन् भने झापाका दमकका ५ वटा वडा कमिटि, नगर समिति लगायत कमल पालिका समिति, शिवसताक्षी नगर समिति, बुद्धशान्ति, मेचीनगर, विर्तामोड, कन्काई लगायत स्थानहरुमा देउसी भैली खेलेको बताइएको छ । त्यसैगरी इलामको चुलाचुलीको ४ वटा वडाहरुमा देउसी खेलेको प्रान्तीय सदस्य तथा वडा नं. १ का वडाध्यक्ष पूर्ण लावतीले बताए ।

यसरी नै पहाडी जिल्लाहरु पान्थर, ताप्लेजुङ, तेह्रथुम लगायत जिल्लाहरुले पनि आ–आफ्नै शैलीमा देउसी भैली खेली संगठनलाई थप कार्यक्रम गर्नमा मद्दत र सांगठानिक गतिविधि गर्न सहज भएको बताइएको छ । मञ्चको महाधिवेशन नजिकिदै जाँदा कार्यक्रमहरुलाई नौ जिल्लामा लिम्बुवान मञ्च, नेपालले तिब्रता दिईएको प्रान्तीय प्रशासकिय महासचिव अशोक चेम्जोङले बताए ।

मञ्चको आगामी २४ र २५ गते धरानमा हुने तेस्रो प्रान्तीय अधिवेशनलाई लक्षित गर्दै नौ जिल्ला लिम्बुवानको आधार इलाकामा संगठनलाई सुदृणिकरण र मजबुत बनाउने प्रक्रियामा प्रान्तीय मञ्च अघि बढेको उनले बताए ।

सम्बन्धित समाचार

फाल्गुन १७ प्रदेश १ को अध्यारो दिन, १ बर्ष पुरा

दमक, १८ फाल्गुन । १ नम्बर प्रदेशको नामाङकन पहिचान नामेट हुनेगरी कोशी प्रदेश कायम गरिएको १७ फाल्गुनमा एक वर्ष पूरा भएको छ । गत वर्षको फागुन १७ गते प्रदेश १ को नाम प्रदेश सभाले चोरबाटोबाट...

दमकमा आजबाट दुई दिने याक्थुङ साम्लो महोत्सव हुँदै

दमक, १८ फाल्गुन । झापाको दमक ७ स्थित पशुहाटमा आज(शुक्रबार)बाट दुईदिने याक्थुङ साम्लो महोत्सव २०८० सुरु हुदैंछ । याक्थुङ् लिम्बू कलाकारहरुको गौरवशाली छाता संगठन फक्ताङलुङ साँस्कृतिक मञ्च केन्द्रीय कार्य समितिको आयोजनामा आज र भोलिसम्म सञ्चालन...

मनकुमार तुम्सा कियाचु जापानकाे अध्यक्षमा निर्वाचित

जापान । किरात याक्थुङ चुम्लुङ जापानको छैटौँ महाधिवेशन भव्यताका साथ सम्पन्न भएको छ। टोकियो ओकुबो स्थित काठमाडौँ लञ्च एण्ड बारमा सम्पन्न महाधिवेशनले मन कुमार तुम्साको नेतृत्वमा २५ सदस्यीय नयाँ कार्यसमिति चयन गरेको छ । कियाचु...

इतिहास सच्चाउन माग गर्दै फाेनिजकाे ७ दिने अल्टिमेटम

विर्तामाेड, झापा । नेपाल आदिवासी जनजाति पत्रकार महासंघ (फोनिज) झापा शाखाले नेपाल पत्रकार महासंघको संस्थापक अध्यक्ष सम्बन्धि गलत इतिहास सच्याउन माग गर्दै ७ दिने अल्टिमेटम दिएको छ । विभिन्न तथ्यका आधारमा नेपाल पत्रकार महासंघको संस्थापक अध्यक्ष...