काठमाडौंमा किरात राईहरुको तेस्रो अन्तर्राष्ट्रिय सम्मेलन हुँदै

 लिम्बुवान न्युज
                       

काठमाडौं । किरात राईहरुले कात्तिक २७, २८ र २९ गते काठमाडौंमा ‘किरात राई तेस्रो अन्तर्राष्ट्रिय सम्मेलन–२०७८’ गर्ने भएका छन् । राईहरुको भाषा, धर्म, संस्कार, संस्कृति, लिपि, कला, साहित्य, इतिहास र पहिचानको संरक्षण एवम् विकास गर्नका लागि खोज–अनुसन्धान गर्ने र विश्वभरि रहेका किरात राईहरुलाई एकताको सुत्रमा बाँध्ने उद्देश्यले उक्त सम्मेलन आयोजना गर्न लागेका हुन् ।

कात्तिक २७ गते काठमाडौंको राष्ट्रिय सभागृहमा उपराष्ट्रपति नन्दबहादुर पुनले सम्मेलनको उद्घाटन गर्नेछन् भने २८ र २९ गते ललितपुरको तिखेदेवलस्थित यलखिममा बन्द–सत्र हुनेछ ।

सम्मेलन सम्पन्न गर्नका लागि किरात राई यायोक्खा तथा किरात राई अन्तर्राष्ट्रिय समन्वय समितिका अध्यक्ष दिवस राईको अध्यक्षतामा मूल आयोजक समिति गठन गरिएको छ भने ११ वटा विभिन्न उपसमितिहरु पनि गठन गरिएको छ ।

सम्मेलनमा १८ वटा विदेश शाखा तथा सम्बन्धन संस्थाहरु, २६ वटा किरात राईजन्य भाषिक संस्थाहरु, २ वटा किराया प्रदेश समन्वय समितिहरु, ८ वटा भातृ संस्थाहरु र २३ वटा जिल्ला कार्य समितिहरुबाट तथा अग्रज अभिभावक र विषयविज्ञहरुसहित ३७५ जनाभन्दा बढी प्रतिनिधिहरु सहभागी हुने किरात राई अन्तर्राष्ट्रिय समन्वय समितिले प्रेस विज्ञप्तिमार्फत जनाएको छ ।

सम्मेलनमा राष्ट्रिय जनगणना, किरात इतिहास र राई जाति, किरात राई भाषाहरुको अवस्था, किराती भाषामा आलेखन र लिपि प्रयोग, किरात धर्म र माङखिम, मुन्दुममा सुप्तुलुङको स्थान र प्रयोग, किरात प्रदेश अभियान शीर्षकमा विज्ञहरुबाट कार्यपत्र प्रस्तुत हुनेछ भने सोबारे व्यापक छलफल गरी निष्कर्षका आधारमा घोषणा–पत्र जारी गरिनेछ ।

सम्मेलनको उद्घाटन समारोहमा प्रदेश नं १ का नवनियुक्त मुख्यमन्त्री राजेन्द्र राईसहित मन्त्रीहरु, संघ तथा प्रदेशका सांसदहरु, पूर्वमन्त्रीहरु, संवैधानिक निकायका सदस्यहरु लगायतको उपस्थिति हुनेछ ।

कार्यक्रममा वरिष्ठ गायक तथा संगीतकार जीतेन राई, चर्चित गायक राजेश पायल राई, गायिका पार्वती राई, गायक भीषण मुकारुङ, हाँस्य कलाकार फुलन्देकी आमा (उमेश राई), बासुरी वादक नगेन्द्र राई र किरात राई सांस्कृतिक कलाकार संघको विशेष प्रस्तुती हुनेछ ।

सभागृह परिसरमा साकेला सिली प्रस्तुतीका साथै साकेला महोत्सव समेत गरिने आयोजकले जनाएको छ ।

यसअघि २०६७ चैत २७ र २८ गते पहिलो र २०७१ फागुन ९ र १० गते दोस्रो किरात राई अन्तर्राष्ट्रिय सम्मेलन भएको थियो ।

सम्बन्धित समाचार

गाेविन्द हत्याका मुख्य अभियुक्त सहित तीनजनालाई प्रहरीले गर्याे सार्वजनिक

दमक । इलामको चुलाचुली ३ का गोविन्द लिम्बूको हत्याका मुख्य अभियुक्त सनम राईसहित तीन जनालाई सोमबार प्रहरीले सार्वजनिक गरेको छ । सोमबार साँझ इलाका प्रहरी कार्यालय दमकमा पत्रकार सम्मेलन गरेर प्रहरीले दमक ७ बस्ने २२...

अन्तराष्ट्रिय याक्थुङ आइडल सिजन ‘टु’ को आवेदन सुरु

प्रकाश पाक्साँवा तेह्रथुम १३ असोज । नियारा प्रोडक्सन सिक्कीमले याक्थुङ लिम्बु गीत संगितलाई प्रर्बधन गर्ने उदेश्यका साथ आयोजना गर्न लागेको अन्तराष्ट्रिय याक्थुङ आइडल सिजन ‘टु’ को आवेदन सुरु भएको छ । आइडलको अनलाइन आवेदन यही...

लुङधुङकाे छैटाैं साधारणसभा सम्पन्न : येहाङनगर स्मारिका विमाेचन

दमक, १३ असोज। झापाको दमक नगरपालिका वडा नं. १ स्थित लुङधुङ टोल विकास संस्थाको छैटौं बार्षिक साधारणसभा सम्पन्न भएको छ । शनिबार दमक वडा न. १ का वडासदस्य राजकर्ण राईको प्रमुखको आतिथ्यतामा संस्थाको छैटौं बार्षिक...

सहकारी यात्रा र सुदुर सम्झनाहरू

यात्रा संस्मरण सेसेहाङ चाेङबाङ ज्यान विसन्चो हुदाहुदै यात्रामा निस्कनु पर्ने भो । खै यात्राहरु त रहरले गरिने हो । यात्रामा निस्किन पाउँदा प्रसस्तै खुसी, हर्ष र उमंग हुनुपर्ने तर बाध्यताले गरे जस्तो स्वास्थ समस्याले बनाइ...