पथरीशनिश्चरे, मोरङ। संघीय लिम्बुवान मञ्च, नेपाल मोरङ जिल्ला कार्य समितिले प्रदेश नम्बर १ का सामाजिक विकास राज्यमन्त्री विष्णु तुम्बाहाम्फेलाई सम्मान गरेको छ । मञ्चको उपाध्यक्ष तथा प्रदेश १ का प्रदेशसभा सदस्य समेत रहेकी तुम्बाहाम्फे मञ्चको तर्फबाट गठबन्धन सरकारमा सहभागी भएकि हुन् ।

बुधबार पथरीशनिश्चरेस्थित सिरीजंगा धार्मिक बनमा मन्त्री तुम्बाहाम्फेलाई लिम्बुवान जिल्ला कार्य समितिले सम्मान गरेको हो । सम्मान कार्यक्रममा जिल्लाका नेताहरुले मन्त्री तुम्बाहाम्फेलाई खादा, माला र पुष्प गुच्छाले सम्मान गरेका थिए ।

जिल्ला अध्यक्ष जीवन खेवाको सभाध्यक्षतामा आयोजित कार्यक्रममा मञ्चका प्रान्तीय उपमहासचिव चन्द्रसिंह नेम्बाङ, प्रान्तीय सचिवालय सदस्य दिलु लिङदेन लावती, केन्द्रीय सदस्यहरु रामहर्क खम्बु राई, धनप्रसाद सावा लगायत पहिचान सदस्य, जिल्लाका सबै पदाधिकारी एवम् विभिन्न पालिकाका नेताहरुको उपस्थिति रहेको थियो ।

यसअघि मन्त्री तुम्बाहाम्फेलाई गृह जिल्ला ताप्लेजुङ, पाँचथर, इलाम, झापा जिल्लाको विर्तामोड र दमक त्यसैगरी लिम्बुवान जिल्ला कार्य समिति सुनसरीले विराटनगरमा नै सम्मान कार्यक्रम गरेको प्रशासकीय महासचिव अशोक चेम्जोङले लिम्बुवानखबरलाई बताएका छन् ।