आजबाट १२औं राष्ट्रिय जनगणना शुरु हुँदै

 लिम्बुवान न्युज
                       

लिम्बुवानखबर संवाददाता । नेपालमा आज २५ कार्तिक बिहीबारबाट मुलुकभर १२औं राष्ट्रिय जनगणना सुरु हुँदै छ ।

हरेक १०–१० वर्षमा गरिने जनगणना यस वर्ष २५ कार्तिक (आज)बाट सुरु भई ९ मंसिर अर्थात १५ दिनसम्म चल्ने छ । यस वर्षको जनगणनाका लागि नेपाल सरकारले ‘मेरो जनगणना मेरो सहभागिता’ नारा तय गरेको छ ।

केन्द्रीय तथ्यांक विभागको आधिकारिक साइटमा उल्लेख भए अनुसार आज बिहानसम्मको नेपालको जनसंख्या ३ करोड ५ लाख २३ हजार ४८ रहेको छ । यद्यपि जनगणना कार्य सम्पन्न गरी प्राप्त प्रतिवेदनपछि मात्रै नेपालको पछिल्लो आधिकारिक जनसंख्याको तथ्यांक सार्वजनिक हुनेछ ।

तथ्यांक विभागका महानिर्देशक नविनलाल श्रेष्ठले आज बिहानबाट क्रमशः राष्ट्रपति, प्रधानमन्त्री, उपराष्ट्रपतिलगायत विशिष्ट व्यक्तित्वहरुको विवरण संकलन गरी जनगणनाको शुरुआत गरिने सञ्चार माध्यमहरुलाई जानकारी दिएका छन् । १२औं राष्ट्रिय जनगणना कार्यक्रम अन्तर्गत यसअघि नै पहिलो चरणमा घर तथा घरपरिवारको सूचीकरण भइसकेको छ । सूचीकृत भइसकेका र कुनै कारणबस छुटेकाहरुको पारिवारिक विवरण लगायत व्यक्तिहरु समेतको विवरण संकलन गर्ने कार्य भने आजबाट १५ दिनसम्म हुने विभागले जनाएको छ ।

जनगणनाका क्रममा व्यक्तिगत विवरण संकलनका लागि देशभर करिब ४० हजार गणक र साढे आठ हजार सुपरीवेक्षक परिचालित भएका छन् ।

पछिल्लो पटक चुचे नक्सा जारी गरेसँगै भारतीय सेनाको नियन्त्रणमा रहेको दार्चुला जिल्लाको कालापानी, लिपुलेक र लिम्पियाधुरा क्षेत्रमा भने अनुमानित आधारमा मात्रै गणना गर्ने विभागको तयारी छ ।

भारतीय पक्षको अनुमति लिने बारे कुटनीतिक पहल भइरहेको तर गणना गर्न पाइने वा नपाइने बारे स्पष्ट नभएको विभागको भनाइ छ । नेपालमा वि.सं. १९६८ देखि हरेक १०–१० वर्षमा जनगणना हुँदै आएको छ । अहिले हुँदै गरेको जनगणना १२औं शृंखला हो ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...