लिम्बुवानखबर संवाददाता, २६ कार्तिक । आदिवासी पहिचानको आन्दोलनका चर्चित नेता स्व. गोरेबहादुर खपाङ्गीका पत्नी विद्या खपाङ्गी मगरको निधन भएको छ ।

नेपाल मगर संघका अनुसार सोमबार ७२ वर्षको उमेरमा खपाङ्गी पत्नी मगरको निधन भएको हो । नेपालका नेल्सन मण्डेलाले सुपरिचित पहिचानवादी नेता, पूर्व मन्त्री एवम् नेपाल मगर संघका पूर्व अध्यक्ष साथै राष्ट्रिय जनमुक्ति पार्टीका संस्थापक महासचिव स्व.गोरेबहादुर खपाङ्गी पत्नी मगर गोरेबहादुर खपाङ्गी फाउन्डेशनका संस्थापक संरक्षक एवम् नेपाल मगर संघको सल्लाहकार समेत थिइन् ।

उनको मङ्गलबार काठमाडौंस्थित पशुपतिनाथको आर्यघाटमा अन्तिम संस्कार गरिएको छ । मगरको निधनमा नेपाल मगर संघ र गोरेबहादुर खपाङ्गीले दुःख व्यक्त गर्दै शोकाकूल परिवारजनमा समवेदना समेत प्रकट गरेको छ । फाउन्डेसनका अध्यक्ष हुमबहादुर पचभैया थापा मगर र नेपाल मगर संघका उपाध्यक्ष गंगा खासु मगरले शोक सन्देश प्रकाशित गर्दै दुःख व्यक्त गरेका छन् ।

नेता गोरेबहादुर खपाङ्गीको निधन सन् २०१६ को अगष्ट २७ मा दुर्घटनामा परी उपचारका क्रममा भएको थियोे ।