अमित खम्बूद्वारा लिम्बुवान झापा अध्यक्षको लागि उम्मेद्धारी घोषणा

 लिम्बुवान न्युज
                       

दमक, लिख संवाददाता । संघीय लिम्बुवान मञ्च, नेपाल झापा जिल्ला उपाध्यक्ष अमित खम्बूले आसन्न छैठौं जिल्ला अधिवेशनको लागि अध्यक्ष पदमा उम्मेद्वारी घोषणा गरेका छन् ।

बुधबार १२ बुँदै प्रतिबद्धता सार्वजनिक गर्दै खम्बूले उम्मेद्वारी घोषणा गरेका हुन् ।

प्रत्यासी खम्बूले जिल्ला समितिलाई सबैको सहभागिता गराउँदै संगठनलाई एकता सद्भाव र निरन्तर चलायमान बनाउने बताएका छन् । आगामी तीन महिनाभित्र संगठनलाई क्षेत्र, प्रदेश, स्थानीय तह, वार्ड र टोलसम्म पु¥याउने । संगठनका सबै क्रियाकलापहरु अभिलेखिकरण गरेर लाने । अध्ययन र प्रशिक्षणमा नेताहरुलाई केन्द्रित गर्ने बताए ।

त्यसैगरी उनले आर्थिक स्रोत अध्ययन, परिचलन र संकलनलाई पार्दशिता बनाउने र सबै आयव्ययको लेखा समिति बनाई लेखापरीक्षण गर्ने । पार्टी केन्द्रको चार बर्षे कार्ययोजनालाई जिल्लाको तल्लो तहसम्म लागू गर्ने । पार्टीको सबै तहसँग समन्वय गरि चुनाव लक्षित कार्यक्रमहरु संचालन गर्ने । जिल्ला पार्टी कार्यालय स्थापना गरेर संगठन संचालनलाई व्यवस्थित बनाउने । राष्ट्रिय सहिद मनिल तामाङको पूर्णकदको शालिक निर्माणका लागि जग्गा व्यवस्थापन र शालिक निर्माणमा पहल गर्ने । पार्टीको विधान बमोजिमको जनवर्गीय संगठनहरु जिल्लामा व्यापक रुपमा विस्तार गर्ने ।

त्यसैगरी अध्यक्ष प्रत्यासी खम्बूले स्वरोजगार कार्यक्रमको अध्ययन र प्रोत्साहनका लागि जिल्लामा पहल गर्ने । विकृति विसंगीतको विरुद्ध सचेतना कार्यक्रमहरु संचालन गर्ने र भ्रष्टचार विरुद्धको खबरदारी कार्यक्रमहरु संचालन गर्ने प्रतिबद्धता जनाएका छन् ।

झापा जिल्लाको छैठौं जिल्ला अधिवेशनमा प्रत्यासी खम्बूसँगै चारजना नेताहरु बरिष्ठ उपाध्यक्ष नगेन्द्र राई, उपाध्यक्ष ज्वाला इम्बुङ्, सचिव राजा आङथुपो र सचिव तिर्थ पौडेलले पनि अध्यक्षको प्रत्यासी भएको पत्रकार भेटघाटको क्रममा उद्घोष गरेका छन् ।

प्रत्यासी खम्बूका १२ बुँदे प्रतिबद्धता-पत्र

 

सम्बन्धित समाचार

आत्मानन्द कपको उपाधि छथर तेह्रथुमले उचाल्याे

दमक, झापा । इलामको माङसेबुङमा सम्पन्न भएको आत्मानन्द कप १५औं संस्करण पुरुष फुटबल प्रतियोगिताको उपाधि छथर गाउँपालिका, तेह्रथुमले उचालेको छ । माङसेबुङ ५ स्थित प्रस्तावित आत्मानन्द रंगशालामा भएको फाईनल खेलमा तिजोग फुटबल क्लव पान्थरलाइ २–०...

सात दलले पायो राष्ट्रिय मान्यताः निर्वाचन आयोग

काठमाडौं, १६ मंसिर । निर्वाचन आयोगका अनुसार हालसम्म सात वटा राजनीतिक दलहरुले राष्ट्रिय पार्टीको मान्यता पाएको छ । निर्वाचन आयोगका समानुपातिकतर्फका प्रवक्ता गुरुप्रसाद वाग्लेले शुक्रबार अपराह्नसम्मको समानुपातिकतर्फको मतपरिणाम अनुसार नेकपा एमाले, नेपाली कांग्रेस, नेकपा माओवादी...

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...