लिम्बुवान झापा अध्यक्षमा नगेन्द्र राई सबंसम्मत निर्वाचित

,   लिम्बुवान न्युज
                       

विर्तामोड, ३ मंसिर । लामो कसरतपछि आज विहान २ बजे संघीय लिम्बुवान मञ्च, नेपाल जिल्ला कार्य समिति झापाले छैठौं जिल्ला अधिवेशनबाट नयाँ अध्यक्ष पाएको छ । लिम्बुवान आन्दोलनमा लामो समयदेखि निरन्तर लढिरहेका नगेन्द्र राई झापा जिल्ला अध्यक्षमा पाँच बर्षको लागि चुनिएका छन् ।

मञ्चका बरिष्ठ उपाध्यक्ष ज्ञान बहादुर गुरुङको संयोजकत्वमा गठित पाँच सदस्यीय निर्वाचन मण्डल र केन्द्रीय नेताहरुको सहजीकरणमा सर्वसहमतमा राई अध्यक्षमा घोषित भएका हुन् । पाँच जना नेताहरुले दावी गरेका अध्यक्ष पदका प्रत्यासी तीनले राईलाई नै अघि सारेपछि राई र अमित खम्बू बिच अध्यक्षमा लामो रस्साकस्सी भएको थियो ।

लामो प्रयासपछि राईको अध्यक्षतामा ३६ सदस्यीय झापा जिल्ला कार्य समिति बनेको छ । खम्बूलाई बरिष्ठ उपाध्यक्षमा सर्वसहमति गराएपछि विहान साढे दुई बजे सफत गराई बन्दसत्र सम्पन्न भएको छ । बरिष्ठ उपाध्यक्ष खम्बूसँगै उपाध्यक्षहरुमा राजा आङथुपो, नारायण तामाङ्, बबिता राई, प्रेम थेवे र करण योङहाङ रहेका छन् । त्यसैगरी सचिवमा तिर्थराज पौडेल, विकास ठाडा मगर, कृष्ण सेन्दाङ रहेका छन् ।

यसरी नै सचिवालय सदस्यहरुमा राम बहादुर लिम्बु, दया सागर आचार्य, वि.एम. लक्सम, दलकुमार सेर्मा, सुनिल राई, बुद्धविर गुरुङ, ललित तुम्म्रोक, प्रेम बहादुर फोम्बो, जयप्रकाश धिमाल, सुमनसिंह लिम्बु, प्रदिप राई, सोनाहाङ राई निर्वाचित भएका छन् भने सदस्यहरुमा खड्ग बोखिम, टेक बहादुर तुम्सा, चन्द्रकला नेयोङ, मेघराज इधिङ्गो, राम राई, जनम चेम्जोङ, अर्जुन लावती, टिकाराम योङहाङ, दिनेश शिवा, मन बहादुर फियाक, चक्र खेवा, चन्द्र साम्सोहाङ, लाख बहादुर नेम्बाङ र झहरमान फागो सर्वसहमतिले निर्वाचित भएका छन् ।

निर्वाचित कार्यसमितिलाई निर्वाचन मण्डलका संयोजक गुरुङले सफल गराउँदै प्रमाणपत्र वितरण गरेका छन् भने नव निर्वाचित अध्यक्षले प्रतिवद्धता मन्तव्य राख्दै आगामी आफ्नो कार्यकालमा थप संगठनलाई मजबुत बनाएर अघि बढ्ने प्रतिबद्धता व्यक्त गरेका छन् । त्यसैगरी अन्त्यमा नवनिर्वाचित समितिलाई मञ्चका प्रान्तीय उपमहासचिव तथा संचार विभाग प्रमुख दिल कुमार लावतीले शुभकामना दिदैं संगठनलाई एकढिक्का बनाई झापामा आगामी चुनावहरुमा लिम्बुवानको झण्डा गाढेर शिर उच्च पार्न आग्रह गरेका छन् ।

सम्बन्धित समाचार

मुक्कुमलुङ केबलकार आयोजना खारेज गर्न माग, माग पूरा नभए निरन्तर सङ्घर्षको चेतावनी

ललितपुर, ५ मंसिर । ताप्लेजुङस्थित मुक्कुमलुङमा प्रस्तावित पाथिभरा देवी दर्शन केबलकार निर्माण आयोजना तत्काल खारेज गर्न माग गर्दै मुक्कुमलुङ संरक्षण अन्तर्दलीय सङ्घर्ष समिति र मुक्कुमलुङ ताइसेःप चुम्भोले संयुक्त रूपमा पत्रकार सम्मेलन गरेका छन् । बुधबार...

झापा–११ को १०–० को फराकिलो जित, सजिनाको ह्याट्रिक

दमक, ५ मंसिर । दोस्रो एक्स्ट्रिम झापा महिला गोल्डकपको उद्घाटन खेलमा आयोजक झापा–११ फुटबल क्लबले आरएस पोखरा फुटबल क्लबलाई १०–० को फराकिलो अन्तरले हराउँदै सेमिफाइनलमा स्थान पक्का गरेको छ । पहिलो हाफमा २–० ले अगाडि...

मिक्लाजुङमा निःशुल्क आँखा शिविर सम्पन्न : ३५ सयको परीक्षण, २७५ जनाले पाए नयाँ दृष्टि

मिक्लाजुङ, माेरङ् । मोरङको उत्तरी क्षेत्र मिक्लाजुङमा आयोजित चारदिने निःशुल्क मोतियाबिन्दु शल्यक्रिया तथा आँखा परीक्षण शिविर सम्पन्न भएको छ । शिविरमार्फत ३ हजार ५०० जना सर्वसाधारणको आँखा परीक्षण गरिनुका साथै २७५ जना मोतियाबिन्दुका बिरामीको सफल...

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

;