लिम्बुवान मञ्चका केन्द्रीय नेताहरुकाे विर्तामोडमा अन्तरक्रिया

,   लिम्बुवान न्युज
                       

विर्तामोड, ७ मंसिर । संघीय लोकतान्त्रिक राष्ट्रिय मञ्चको आसन्न महाधिवेशनलाई लक्षित गर्दै संघीय लिम्बुवान मञ्च, नेपालका झापा जिल्लाका केन्द्रीय नेताहरु बिच अन्तरक्रिया भएको छ । विर्तामोडस्थित होटल डेनियलको सभाहालमा मञ्चका उपाध्यक्ष ज्ञानुहाङ इम्बुङको अध्यक्षतामा अन्तरक्रिया भएको हो ।

मञ्चका प्रान्तीय महासचिव अशोक चेम्जोङद्वारा आगामी मंसिर २४ र २५ गते हुने लिम्बुवान प्रान्तीय मञ्चको तेस्रो अधिवेशन र २६ र २७ गते हुने संघीय मञ्चको तेस्रो संघीय राष्ट्रिय महाधिवेशन कसरी सफल पार्ने बारे अन्तरक्रियामा धारणा राखेका थिए । मञ्चको विधान लगायतका विषयहरुमा आजबाट छलफल अघि बढेको पनि उनले अन्तरक्रियामा धारणा राखेका थिए ।

मञ्चको महाधिवेशन पूर्व सबै प्रान्तीय मञ्चहरुको अधिवेशन सक्ने गरी मञ्चले यतिबेला देशव्यापी कार्यक्रम तय गरेको संघीय मञ्चका महासचिव सुरेन्द्र लिम्बु नोनामले बताए । मञ्चको राजनैतिक अवधारणा अनुरुप १०+१ प्रान्तहरुको अधिवेशन सम्पन्न गर्दै महाधिवेशनमा सरिक हुन तमाम नेता तथा कार्यकर्ताहरुलाई महासचिव लिम्बुले आग्रह गरेका छन् ।

महाधिवेशनलाई उत्सवको रुपमा लिर्दै भएका कमीकमजोरीलाई मिलाएर संगठनलाई संघीयताको पक्षमा वकालत गर्ने एक मात्र बैकल्पिक शक्ति निर्माण गरी अघि बढेको पार्टीको रुपमा स्थापित गर्न तमाम नेता कार्यकर्ताहरुको उत्तिकै जिम्मेवारी भएको भन्दै उपस्थित झापाका सबै केन्द्रीय नेताहरुले आ–आफ्नो धारणा राखेका थिए ।

कार्यक्रममा महासचिव संगम खनाल लगायत जिल्लाका नेताहरुको सहभागीता रहेको थियो । नेताहरुले एउटै धारणा राख्दै आगामी महाधिवेशनमा चुस्त दुरुस्त संगठन बनाउँदै अत्यन्तै चलायामान नेताहरु पार्टीका सक्रिय हुनु पर्ने सुझाव दिएका छन् ।

त्यसैगरी पार्टीका उपमहासचिव तथा क्रियासिल विभाग हेरिरहेका दिलुकमार लावतीले सबै केन्द्रीय नेताहरुले क्रियासिल सदस्यता आगामी मंसिर १५ भित्र अनिवार्य नविकरण गर्न सुझाएका छन् भने केन्द्रबाट प्राप्त क्रियासिल सदस्यता नम्बरलाई जिल्ला, नगर र वार्डमा समेत अपडेट गरेर महाधिवेशनमा आउन भनेका छन् । महाधिवेशन प्रतिनिधि भएर आउन जिल्लाबाट अनिवार्य सिफारिस भएर आउनु पर्ने नेताहरुलाई जनाएका छन् । पार्टीले सर्कुलर गरेको लेवी रकम समेत अनिवार्य बुझाउन अनुरोध गर्दै संगठनलाई पद्दतीमा लान पहिला केन्द्रीय नेताहरु नै जिम्मेवार हुनुपर्ने बताए ।

वितग भन्दा फरक हुने यो महाधिवेशनले नेताहरुलाई पदिय जिम्मेवारी लिई रहँदा आफू सक्षम छु कि छैन भनेर गाउँ स्तरबाटै सिफारिस हुनु ठूला राजनैतिक पार्टीहरुको जस्तै प्रक्रिया भएको हुँदा सबै नेताहरुलाई पार्टीको सर्कुलर बमोजिम महाधिवेशनमा आउन उपाध्यक्ष इम्बुङले नेताहरुलाई अनुरोध गरेका छन् ।

सम्बन्धित समाचार

मुक्कुमलुङ केबलकार आयोजना खारेज गर्न माग, माग पूरा नभए निरन्तर सङ्घर्षको चेतावनी

ललितपुर, ५ मंसिर । ताप्लेजुङस्थित मुक्कुमलुङमा प्रस्तावित पाथिभरा देवी दर्शन केबलकार निर्माण आयोजना तत्काल खारेज गर्न माग गर्दै मुक्कुमलुङ संरक्षण अन्तर्दलीय सङ्घर्ष समिति र मुक्कुमलुङ ताइसेःप चुम्भोले संयुक्त रूपमा पत्रकार सम्मेलन गरेका छन् । बुधबार...

झापा–११ को १०–० को फराकिलो जित, सजिनाको ह्याट्रिक

दमक, ५ मंसिर । दोस्रो एक्स्ट्रिम झापा महिला गोल्डकपको उद्घाटन खेलमा आयोजक झापा–११ फुटबल क्लबले आरएस पोखरा फुटबल क्लबलाई १०–० को फराकिलो अन्तरले हराउँदै सेमिफाइनलमा स्थान पक्का गरेको छ । पहिलो हाफमा २–० ले अगाडि...

मिक्लाजुङमा निःशुल्क आँखा शिविर सम्पन्न : ३५ सयको परीक्षण, २७५ जनाले पाए नयाँ दृष्टि

मिक्लाजुङ, माेरङ् । मोरङको उत्तरी क्षेत्र मिक्लाजुङमा आयोजित चारदिने निःशुल्क मोतियाबिन्दु शल्यक्रिया तथा आँखा परीक्षण शिविर सम्पन्न भएको छ । शिविरमार्फत ३ हजार ५०० जना सर्वसाधारणको आँखा परीक्षण गरिनुका साथै २७५ जना मोतियाबिन्दुका बिरामीको सफल...

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

;