कतार, ८ मंसिर । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपालको प्रवास समिति संघीय लिम्बुवान सामाजिक मञ्च कतारको चौंथो अधिवेशन हुने भएको छ ।
सलिसाम कतारको यहि मंसिर १७ गते शुक्रबार तदनुसार ३ डिसेम्बरका दिन चौथो अधिवेशन गर्ने बरिष्ठ उपाध्यक्ष डम्बर लुङखिमले जनाएका छन् । उनले विगत अधिवेशन भन्दा यो अधिवेशन अलिक खास हुने बताए । अध्यक्षका आकांक्षीहरु पनि धेरै भएको हुँदा यो मिलाएर लानमा अलि सकस हुन सक्ने तर सहमतिमा नेतृत्व चयन हुने अध्यक्ष रेखा राईले बताइन् ।
२०६२÷६३ को जनआन्दोलन संगै स्थापीत संघीय लोकतान्त्रिक राष्ट्रिय मञ्च, संघीय लिम्बुवान मञ्च नेपालले देशमा एकात्मक राज्य व्याबस्थाको अन्त्य, ऐतिहासिक पृष्ठभुमीको आधारमा संघीयता, पहिचान, पुर्ण समानुपातिक र समाबेशी व्यावस्था लागु गर्नु पर्ने माग राख्दै झन्डै दुई दशक देखि आन्दोलन गर्दै आईरहेको राजनितिक संगठन हो ।
मञ्चको विधान बमोजिम प्रवास समिति सलिसाम कतारको सन २०११ मा स्थापीत भई कतारमा रहेका नेपाली श्रमिकहरुको पक्षमा रहेर सामाजिक जनचेतना अभिवृद्धी एवं मानवीय उद्धारकार्यमा विशेष सहयोगी बन्दै आईरहेको यस मञ्च कतारका नेपाली श्रमिकहरुको साझा संस्थाको रुपमा स्थापित भएको बरिष्ठ उपाध्यक्ष लुङखिम बताउँछन् ।
अधिवेशनलाई मञ्चका संघीय अध्यक्ष कुमार लिङदेन मिराकले जुम मार्फत सम्बोधन गर्ने लुङखिमले बताए ।
Related