लाहान, ८ मंसिर । संघीय लोकतान्त्रिक राष्ट्रिय मञ्च तथा संघीय मधेस मञ्च, नेपालको प्रथम अधिबेशन सम्पन्न भएको छ । बुधबार सिराहाको लाहानमा सम्पन्न अधिवेशनले महिला नेत्री आशा पाललाई अध्यक्षमा निर्वाचित गरेको हो । प्रथम अधिवेशनबाटै मधेश प्रान्तले अध्यक्षमा महिला नेत्रीलाइ मधेशकाे जिम्मेवारी दिएकाे छ ।
संघीय लोकतान्त्रिक राष्ट्रिय मञ्चका संघीय अध्यक्ष कुमार लिङदेन मिराकको प्रमुख आतिथ्यतामा सम्पन्न प्रथम अधिवेशनबाट महिला नेत्री पालको अध्यक्षतामा २५ सदस्यीय कार्य समिति चयन गरिएको हो ।
प्रथम अधिवेशनको उद्घाटन कार्यक्रमलाई सम्बोधन गर्दै अध्यक्ष लिङदेनले नेपालका सम्पूर्ण उत्पीडित, उपेक्षित वर्ग र समुदाय एक हुनुपर्ने बताएका छन् । वहाँले सच्चा पहिचानको राजनीति संघीय मञ्चले मात्र गरिरहेकोले अबको निर्वाचनमा संघीय मञ्चलाई जिताउन मधेशका जनताहरुलाई अग्रह गरेका छन् । त्यसैगरी कार्यक्रममा मञ्चका बरिस्ठ उपाध्यक्ष ज्ञान बहादुर गुरुङ्, लिम्बुवान प्रान्तीय महासचिव शान्ता योङहाङ्, दलित मुक्ति मञ्चका अध्यक्ष रमेश गजमेर, उपाध्यक्ष बलराम सदा लगायतले सम्बोधन गरेका थिए ।
कार्यक्रममा पालको अध्यक्षतामा गठित समितिको उपाध्यक्षहरुमा मदन बहादुर घले, रमेश कुमार शाह, महासचिवमा इन्द्र बहादुर घिसिङ, सचिवहरुमा तीर्थ बहादुर घिसिङ, रमेश कुमार शाह र गीता पाल त्यसैगररी कोषाध्यक्षमा विकास मुक्तान निर्वाचित भएका छन् ।
त्यसैगरी सचिबालय सदस्यहरु सुरज तामाङ, धुनी महतो, राम कुमार ठाकुर, आनन्द चौधरी रहेका छन् भने सदस्यहरुमा शंकर लाल दोङ, सीता महतो, प्रदीप पाल, कविता महतो, निलम देवि सदा, देवेन सदा, लगन देवि सदा, बद्री चौधरी, जगाइ शाह, महादेव शाह र रिता देवी पाल रहेका छन् ।
कार्यक्रममा मञ्चका संघीय सदस्यहरु चन्द्र लावासा, दिलु लिङदेन, सुर्य लिम्बु र विद्यार्थी नेता सेसेहाङ चोङबाङको उपस्थिति रहेको थियो ।
दमक, झापा । याक्थुङ समुदायका प्राज्ञिक व्यक्तित्व तथा बहुआयामिक स्रष्टा सागर केरुङका ६ ओटा महत्वपूर्ण कृतिहरू एकैसाथ विमोचन भएका छन् । याक्थुङ प्रज्ञा प्रतिष्ठान नेपालको आयोजनामा गत बैशाख २६ गते शनिवार पाँचथरको फिदिममा सम्पन्न विशेष...
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७