नेपाली कांग्रेस झापामा उम्मेद्वारी घोषणा, थेवे र कट्टेल भिड्ने

 लिम्बुवान न्युज
                       

दमक/ नेपाली कांग्रसको १४ औं महाधिवेशन अन्तरगत हुने झापा जिल्ला समितिको निर्वाचनका उम्मेदवारहरुको नाम सार्वजनिक भएको छ । बिहिबार मनोनयन गर्ने तयारीमा रहेका देउमान थेवेको समुह र राम कट्टेलको समुहका उम्मेदवारहरुको नाम सार्वजनिक भएको हो ।

सभापति पदका उम्मेद्वार देउकुमार थेबेले आफ्नो टिमका पदाधिकारीको नाम पत्रकार सम्मेलनको आयोजना गरेर सार्वजनिक गरेका हुन् । थेवे नेतृत्वको टिममा उपसभापतिमा शेरबहादुर भट्टराई, केशवराज पाण्डे, सचिव कृष्ण हुमागाँई, नविन बिमली, सहसचिव कालेन्द्र राजवंशी र कमल भण्डारीका रुपमा सार्वजनिक गरिएका छन ।

समावेशी जुझारु भनिएको सो टिममा जिल्ला सभापतिका उम्मेद्वार थेबे क्षेत्र नं ४, उपसभापति भट्टराई क्षेत्र नं ५, उपसभापति पाण्डे क्षेत्र नं १ , सचिव हुमागाँई क्षेत्र नं २, सचिव बिमली क्षेत्र नं ३, सहसचिव राजवंशी क्षेत्र नं ३ र अर्का सहसचिवका उम्मेद्वार भण्डारी क्षेत्र नं ४ बाट रहेका छन् ।

आफ्नो टीमको घोषणा गर्दै जिल्ला सभापतिका उम्मेद्वार थेबेले १३ औं महाधिवेशनमा भएको ९ बुँदे सहमतिलाई टेकेर अग्रज नेताहरुको समर्थनमा आफ्नो साझा र सहमतिको उम्मेद्वारी भएको बताउँदै आगामी दिनमा पार्टीलाई अझ चुस्त दुरुस्त बनाएर लैजान आफू नेतृत्वको टिमलाई जिताउन आव्हान गरे ।

घोषणा कार्यक्रमका प्रमुख अतिथि केन्द्रीय सदस्य केशवकुमार बुढाथोकीले केपी ओलीको जिल्लामा निर्वाचनमा भिड्नु पर्ने भएकाले पार्टीको नेतृत्व हाँक्न सक्ने बाघका रुपमा थेवेलाई ल्याएको बताए । उनले जिल्ला अधिवेशनमा कडा प्रतिष्पर्धा हुने भएकाले आफ्ना प्यानलका उम्मेद्वारलाई जिताउन चुनावमा कटिवद्ध भएर लाग्न कार्यकर्ताहरुलाई आग्रह गरे । कार्यक्रममा केन्द्रीय सदस्य सुधिरकुमार शिवाकोटी, पूर्व सांसद डिल्लीप्रसाद सिटौला , जिल्ला सभापति उद्धव थापालगायतले शुभकामना मन्तव्य राखेका थिए ।

त्यसैगरी राम कट्टेलको समुहका उम्मेद्ववारको पनि नाम सामाजिक सञ्जाल मार्फत सार्वजनिक भएको छ । सभापतिका उम्मेद्ववार कट्टेलसहित उपसभापतिको उम्मेदवारका रुपमा सहिद राजन गिरीका बुबा सम्शेर (केदार गिरी) र हालका जिल्ला सचिव प्रेम सम्बाहाम्फेलाई अघि सारेको बताइएको छ । त्यस्तै सचिव पदमा विश्वदिप लिङदेन र टोम राजवंशी तथा सहसचिवमा पदम लिम्बु र उमराज प्रसाइँलाई उम्मेदवारका रुपमा अघि सारिएको बताइएको छ ।

सम्बन्धित समाचार

एल.भी. लिम्बुवान आन्दोलनको अभिन्न अङ्ग हो– लिङदेन

  मिक्लाजुङ् ,२१ मंसिर ।  संघीय लोकतान्त्रिक राष्ट्रिय मञ्चका संघीय अध्यक्ष कुमार लिङदेन मिराकले लिम्बुवान भोलेन्टियर्स भनेको लिम्बुवान आन्दोलनको अभिन्न अङ्ग भएको बताएका छन् । मोरङको मिक्लाजुङस्थित धोवेनीमा लिम्बुवान भोलेन्टियर्स केन्द्रीय कमाण्डको तेस्रो विस्तारित बैठकलाई...

लिम्बुवान सामाजिक मञ्च बेल्जियम गठन, अध्यक्षमा देउमान सुब्बा

लिम्बुवानखबर, २१ मंसिर । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल प्रवास समिति बेल्जियम समिति गठन भएको छ । मंगलबार देउमान सुब्बाको अध्यक्षतामा १३ सदस्यीय संघीय लिम्बुवान सामाजिक मञ्च प्रवास समिति बेल्जियम गठन...

संघीयता रक्षा गर्न राजनीतिक दलबिच गठबन्धन – पूर्व प्रधानमन्त्री नेपाल

दमक, २० मंसिर । पूर्व प्रधानमन्त्री एवं नेकपा एकीकृत समाजवादीका अध्यक्ष माधवकुमार नेपालले लोकतन्त्रको सुदृढीकरण र सङ्घीयता रक्षा गर्न राजनीतिक दल वीच गठबन्धन निर्माण भएको स्पष्ट पारेका छन् । गठबन्धनमा कुनै समस्या नदेखिएको बताउदै उनले...

झापा गोल्डकप फागुनमा हुने

बिर्तामोड, २० मंसिर । मोफसलकै प्रतिष्ठित झापा गोल्डकपको पाँचौँ संस्करण यही फागुन अन्तिम साता हुने बताइएको छ । यसका लागि आयोजक झापा गोल्डकपले तयारी सुरु गरेको जनाएको छ । आज (सोमबार) गोल्डकप समितिको बिर्तामोडमा सम्पन्न...