विराटनगर, ९ मंसिर । प्रदेश नम्बर १ सरकारले प्रदेश पर्यटन बोर्ड र प्रादेशिक सञ्चार प्रतिष्ठान खारेज गर्ने निर्णय गरेको छ । बिहीबार बसेको प्रदेश १ मन्त्रिपरिषद्को बैठकले प्रदेशस्तरका सञ्चार प्रतिष्ठान र पर्यटन वोर्ड खारेज गरेको हो ।
बैठकले नियमावली नै पारित गरेर प्रदेश पर्यटन बोर्ड नियमावली २०७८ खारेज गरेको मुख्यमन्त्री कार्यालय स्रोतले जनाएको हो । मन्त्रिपरिषद्को यो निर्णयसँगै उपाध्यक्ष फणिन्द्र अधिकारीसहित वोर्डका सदस्यहरु स्वतः पदमुक्त भएका छन् ।
बैठकले प्रादेशिक सञ्चार प्रतिष्ठान गठन, सञ्चालन तथा व्यवस्थापन नियमावली २०७७ पनि खारेज गरेको हो । यससँगै सो नियमावली अनुसार गठन भएको प्रादेशिक सञ्चार प्रतिष्ठानसमेत खारेज हुने भएको छ । बैठकले प्रतिष्ठानको चल अचल सम्पति अधिकार र दायित्व आन्तरिक मामिला तथा कानून मन्त्रालयको हुने भनी निर्णय गरेको हो ।
यसअघि नेपाल पत्रकार महासंघले पटक–पटक मन्त्री नै अध्यक्ष रहने प्रतिष्ठानको संरचना गलत भएको टिप्पणी गर्दै आएको थियो । विभागीय मन्त्री नै सञ्चार प्रतिष्ठानको अध्यक्ष हुँदा प्रेस तथा अभिव्यक्ति स्वतन्त्रताको प्रवद्र्धनमा बाधा पुग्न सक्ने भन्दै महासंघले विरोध र ध्यानाकर्षण गराउँदै आएको थियो ।
सञ्चार प्रतिष्ठान खारेज भएसँगै कार्यकारी निर्देशक यज्ञप्रसाद शर्मालगायत प्रतिष्ठानका सदस्यहरु स्वतः पदमुक्त भएका छन् ।
बिहीबारको मन्त्रिपरिषद बैठकले प्रदेश निर्वाचन क्षेत्र विशेष कार्यक्रम सञ्चालन नियमावली २०७८ पनि खारेज गरेको छ । त्यस्तै प्रदेश निर्वाचन क्षेत्र पूर्वाधार विकास कार्यक्रम सञ्चालन २०७८ खारेज गर्ने नियमावली स्वीकृत गरेको आर्थिक मामिला तथा योजना मन्त्री इन्द्रबहादुर आङ्बोले जानकारी दिए ।
प्रदेश मन्त्रिपरिषद् कार्यविभाजन नियमावली बनाउन आर्थिक मामिला तथा योजनामन्त्री आङ्बोको संयोजकत्वमा आन्तरिक मामिला तथा कानून मन्त्रालयका सचिव कालीप्रसाद पराजुली र मुख्यमन्त्री कार्यालयका कानून सचिव किशोरकुमार चौधरी सदस्य रहेको कार्यदल गठन गर्ने पनि बैठकले निर्णय गरेको हो ।
बैठकले झापाको कन्काई नगरपालिका र दक्षिण कोरियाको गेहेयङ्गुन र याङ्गु काउन्टीबीच भगिनी सम्बन्ध कायम गर्ने सहमति प्रदान गरेको छ ।
दमक, झापा । याक्थुङ समुदायका प्राज्ञिक व्यक्तित्व तथा बहुआयामिक स्रष्टा सागर केरुङका ६ ओटा महत्वपूर्ण कृतिहरू एकैसाथ विमोचन भएका छन् । याक्थुङ प्रज्ञा प्रतिष्ठान नेपालको आयोजनामा गत बैशाख २६ गते शनिवार पाँचथरको फिदिममा सम्पन्न विशेष...
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७