जसपा प्रदेश अध्यक्ष चाम्लिङकाे नेतृत्वमा सयाैंद्वारा पार्टी परित्याग

 लिम्बुवान न्युज
                       

इलाम : पछिल्लो समय जनता समाजवादी पार्टी (जसपा) नेपालका नेता कार्यकर्ताहरुले पार्टी परित्याग गर्ने क्रम बढेको छ । आसन्न प्रतिनिधि सभा तथा प्रदेश सभा निर्वानमा नेकपा एमालेसँग तालमेल गरेसँगै सो पार्टीका नेता कार्यकर्ताहरु पार्टी परित्याग गर्ने क्रम बढेको हो ।

सोही क्रममा बिहीबार प्रदेश १ का अध्यक्ष प्रविण चाम्लिङसहित सयौं नेता कार्यकर्ताहरुले पार्टी परित्याग गरेका छन् ।

झापाको दमकमा पत्रकार सम्मेलन गरि जसपा नेपालका राजनीतिक समिति सदस्य एवम् प्रदेश अध्यक्ष चाम्लिङको नेतृत्वमा दुई सय ३३ जनाले पार्टी परित्याग गरेका हुन् ।

जसपाले देश र जनताको पक्षमा काम गर्न नसक्ने देखिएको भन्दै उनीहरुले सामूहिक रुपमा पार्टी परित्याग गरि स्वतन्त्र रहने घोषणा गरेका छन् ।

पार्टी परित्याग गर्नेहरुमा प्रदेश सदस्य जहरमान लिम्बू, झापा क्षेत्र नम्बर ५ (२) का अध्यक्ष दिपक न्यौपाने, दमक नगर अध्यक्ष खेमबहादुर दाहाल, उपाध्यक्ष तथा ट्रेड युनियन महासंघका केन्द्रीय सदस्य अनिल लामा, दमक नगर सहअध्यक्ष हिमा राई, नगर सचिव सुनिल राई, सहसचिव सुनिता लावती, शिक्षक संघ केन्द्रीय उपमहासचिव प्रकाश सुवेदी लगायतका विभिन्न वर्गीय संगठनका केन्द्रीय नेतासहित प्रदेश, जिल्ला, क्षेत्र र नगरका नेताहरू रहेका छन् ।
पत्रकार सम्मेलनमा चाम्लिङले पार्टीको विचलित सिद्धान्त र दर्शनले जनता र राष्ट्र निर्माण हुन नसक्ने देखिएका कारण पार्टी परित्याग गर्नुपरेको उल्लेख गरे । उनले आफूहरू तत्काल कुनै पार्टीमा नजाने र केही दिनभित्रै नयाँ अभियान लिएर आउने बताए ।

निर्वाचनको मुखमा प्रदेश १ का विभिन्न ठाउँमा धमाधम पार्टीका नेता तथा कार्यकर्ताहरुले पार्टी परित्याग गरिरहेका छन् ।

यसअघि जसपाका कार्यकारिणी सदस्य हेमराज राई र युवराज कार्की, केन्द्रीय सदस्य प्रविण नेम्बाङ, मित्र चापागाई, तिलबिक्रम चेम्जोङ, मलिसा याक्थुम्बा, पाँचरका पूर्व अध्यक्ष देउमान आङदेम्बेसहित सयौंले पार्टी परित्याग गरिसकेका छन् । उनीहरु कोही एमाले, कोही कांग्रेस र कोही माओवादी केन्द्रमा प्रवेश गरेका छन् ।

सम्बन्धित समाचार

सात दलले पायो राष्ट्रिय मान्यताः निर्वाचन आयोग

काठमाडौं, १६ मंसिर । निर्वाचन आयोगका अनुसार हालसम्म सात वटा राजनीतिक दलहरुले राष्ट्रिय पार्टीको मान्यता पाएको छ । निर्वाचन आयोगका समानुपातिकतर्फका प्रवक्ता गुरुप्रसाद वाग्लेले शुक्रबार अपराह्नसम्मको समानुपातिकतर्फको मतपरिणाम अनुसार नेकपा एमाले, नेपाली कांग्रेस, नेकपा माओवादी...

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...

एडिबीको सहायतामा रतुवा खाेलामा तटबन्धन

दमक/ दमक ७ स्थित नेपाल रेडक्रस सोसाइटी उपशाखा दमकको भवन छेउ हुँदै उत्तर तर्फ रतुवा खोलाको कटानग्रस्त क्षेत्रमा कटान न्यूनिकरणका लागि एशियाली बिकास बैंकको ऋण सहायतामा तटबन्धन बन्ने भएकाे छ । लाेकमार्गबाट उत्तर तर्फ रतुवा...