ड्रुक साङ्ग थार्पालिङ सार्वजनिक बौद्ध गुम्बाको तीन दिने पुजासँगै उद्घाटन

 लिम्बुवान न्युज
                       

दमक । झापाको दमक ३ स्थित भुटानी शरणार्थी शिविर बेलडाँगीमा रहेको ड्रुक साङ्ग थार्पालिङ सार्वजनिक बौद्ध गुम्बाको पुनःनिर्माण कार्य सम्पन्न भएसँगै विधिवत पूजाआजासहित  उद्घाटन भएकाे छ ।

नोभेम्बर १५ देखि १७ तारिक अर्थात (कार्तिक २९ देखि मंसिर १ गते) ३ दिनसम्म विधिवत पूजा गरेर गुम्बाको उद्घाटन गरिएकाे गुम्बा निर्माण समितिका अध्यक्ष एवम् आर्थिक समितिका संयोजक राजमान गुरुङले जानकारी दिएका छन् ।

भुटानी शरणार्थी समुदायका मानिसहरुलाई राष्ट्रसंघ उच्च आयोग र दातृ निकायहरुले दिएको विकल्पका रूपमा विभिन्न मुलुकमा पुगेर बसोबास गरिरहेका मानिसहरुको आर्थिक सहयोगबाट गुम्बा पुनर्निर्माणको काम सकिएको अध्यक्ष गुरुङले बताए ।

गुम्बाको पुननिर्माणका लागि विदेशमा रहेका समुदायबाट ४५ लाख बढी सहयोग जुटेको हो भने मनले खाएका नेपाली समुदायबाट पनि केही सहयोग लिइएको थियो । तर, यस निर्माण कार्यमा कुनै पनि सरकारी निकायबाट आर्थिक सहयोग नलिएकाे उनले बताए ।

पुनर्निमित यस गुम्बाको निर्माण शैली र भित्र–बाहिर कुँदिएका कला, कौशल भुटानी ढाँचाका छन् । भुटान पुगे जस्तै भान गुम्बामा आउने जो कोहीलाई होस् भन्ने उद्देश्य राखेर यस किसिमले गुम्बा पुनःनिर्माण गरिएको गुरुङको भनाइ छ ।

बौद्ध धर्मावलम्बी शरणार्थी समुदायका लागि यो गुम्बा पवित्र शक्तिपिठ हो । त्यसैले यसको विधिवत उद्घाटन पूजा ल्हाबाब दुछेन अर्थात बुद्धको अवतरण भएको दिनमै गरिँदैछ ।

ड्रुक साङ्ग थार्पालिङ सार्वजनिक बौद्ध गुम्बा पुनर्निर्माण समिति, आमा समूह र लामा गुरूजनले तीन दिने यस कार्यक्रमलाई भव्य सफल पार्ने तयारी रहेको जानकारी दिएका छन् ।

सिक्किमस्थित देउराली गुम्बाका अवतारी बौद्ध लामा छोगत्रुल कुन्जाङ तेन्पाई ग्याल्छेनबाट गुम्बा उद्घाटन गर्ने कार्यक्रम तय गरिएको छ भने पोखराका खेम्पो श्री लामा (थुप्तेन हिसे)बाट प्रवचन गर्ने कार्यक्रम रहेको छ ।

सन् १९९७ मा बेलडाँगी शिविरमा बसोबास गर्ने बौद्ध धर्मावलम्बी शरणार्थी समुदायले यो गुम्बाको स्थापना गरेका थिए । तर, शरणार्थीको तेस्रो मुलुक पुनर्वास कार्यक्रम सुरु भएपछि यहाँका ९५ प्रतिशत भन्दा बढी मानिस अमेरिका, क्यानडा, अष्ट्रेलिया, नर्वे, न्युजील्याण्ड, डेनमार्क, लगायत मुलुकहरुमा सरेपछि गुम्बा जिर्ण बन्दै गएको थियो ।

पुनर्निमित गुम्बा अब तेस्रो मुलुकबाट नेपाल घुम्न आउनेहरुका लागि पनि आकर्षणको केन्द्र र ऐतिहासिक सम्पदाका रूपमा रहने विश्वास गरिएको छ ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...