योसँगै इंग्ल्याण्डले इतिहास पनि रचेको छ । उसले इरानसँगको पहिलो अन्तर्राष्ट्रिय भेटमै खेल जित्दै इतिहास रचेको हो । खलिफा अन्तर्राष्ट्रिय रंगशालामा भएको खेलमा इंग्ल्याण्डको जितमा बुकायो साकाले दुई, जुड बेलिङ्घम, रहीम स्टर्लिङ, मार्कस रासफोर्ड र ज्याक ग्रेलीशले एक÷एक गोल गरे । इरानका लागि मेहदी तरेमीले दुई गोल फर्काए । इंग्ल्याण्डलाई सुरुआती अग्रता दिलाउने क्रममा १९ वर्षीय जुड बेलिङ्घमले गोल गरे ।

उनले ३४ औं मिनेटमा हेडरमार्फत सुन्दर गोल गरे । इंग्ल्याण्डलाई दोब्बर अग्रता दिलाउने क्रममा बुकायो साकाले ४३ औं मिनेटमा आकर्षक गोल गरे । त्यस्तै, रहीम स्टर्लिङले पहिलो हाफको इन्जुरी समय (४५+१) मा उत्कृष्ट गोल गर्न सफल भए ।
त्यस्तै, बुकायो साकाले ६२ औं मिनेटमा व्यक्तिगत दोस्रो गोल गरे । परिवर्तित खेलाडीको रूपमा मैदान छिरेका रासफोर्डले ७१ औं मिनेटमा गोल गर्दै टिमलाई ५–१ को फराकिलो अग्रता दिलाए । त्यस्तै, ९० औं मिनेटमा ज्याक ग्रेलीशले सहज गोल गर्दै टिमलाई ६–१ को फराकिलो जित दिलाए ।

इरानका लागि मेहदी तरेमीले ६५ औं मिनेट र इन्ज्युरी समय (पेनाल्टी) मा गोल गरे । समूह ‘बी’ मा रहेको इंग्ल्याण्डले अब दोस्रो खेल २६ नोभेम्बरमा अमेरिकाविरुद्ध खेल्ने तालिका छ । इरानले आफ्नो दोस्रो म्याचमा २५ नोभेम्बरमा वेल्सको सामना गर्नेछ । जारी विश्कपमा ३२ देशले प्रतिस्पर्धा गरिरहेका छन् । गएराति भएको पहिलो खेलमा इक्वेडरले आयोजक कतारलाई २–० ले हरायो ।