ऐतिहासिक लुङछाता संरक्षण गर्दै गाउँलेहरू

 लिम्बुवान न्युज
                       

तेह्रथुम, १७ कार्तिक ।  तेह्रथुम जिल्ला फेदाप ५ इसिबुस्थित गैरिटोलमा रहेको ऐतिहासिक लुङछाता (लुङताङघुक) संरक्षण गर्ने भएका छन् । ढुंगाको छाता बनाएर ढुंगाकै सोलिमा गाडीएको कृतिम ऐतिहासिक बस्तुको जिर्ण अबस्था बनेपछि संरक्षण गर्नुपर्ने भएको हो ।

बिगतको समयमा आफ्नो चिनोको रूपमा अग्रजहरुले यो लुङछाता निर्माण गरेर गाडेका थिए । लिम्बुहरुको ढुङ्गा संग अत्यन्तै सम्बन्ध छ यसलाई चोत्लुङको रूपमा पनि हेरिन्छ । ढुङ्गा गाड्ने ढुङ्गा पुज्ने आदि लिम्बू समुदायमा संस्कारकै रूपमा बिकसित छ । गाउँगाउँमा सडक पुगेपछि त्यही लुङछातालाई किनारा पार्दै सडक बनाइएको थियो ।

सडकमा गाडी संचालन भएसंगै ट्याक्टरको ठक्करबाट यो लुङछाता भाचिएको थियो । ऐतिहासिक तथा पर्यटकीय स्थलहरु प्रसस्तै रहेको इसिबुमा यो संगै दुई वटा फरक फरक ठाउँमा लुङताङघुक निर्माण गरिएको थियो । प्रबासमा रहेका यस ठाउका युवाहरुले यस निर्माण कार्यप्रती अभिरुचि राख्दै निर्माणको लागि आर्थिक सहयोग समेत संकलन गर्ने प्रबास दुबइमा कार्यरत दिल हुक्पा चोङबाङ्ले जानकारी गराउनु भयो । पुन:निर्माणमा करिब ३ लाख लागत लाग्ने अनुमान गरिएकोमा २ लाख रुपैया प्रबासका युवाहरूबाट सहयोग संकलन हुनेछ ।

लुङछाता संरक्षणको लागि तिलबिक्रम हुक्पा चोङबाङको अध्यक्षतामा पुन:निर्माण समिति गठन गरिएको छ । जसमा उपाध्यक्ष लक्षमण चोङबाङ सचिब संकर साम्बा सह-सचिब शुक्रराज चोङबाङ कोषाध्यक्ष पर्शु हाङश्रोङ सदस्यहरु युबराज फोम्बो, पदम साम्बा, तोमकुमार चोङबाङ, होम कुमार चोङबाङ, केवलमान चोङबाङ र धनराज साम्बा रहनुभएको छ भने सल्लाहकार समितिमा सेसेहाङ हुक्पा चोङबाङ, नरपती हुक्पा चोङबाङ, धननारायण हाङश्रोङ, भिम ब. हुक्पा चोङबाङ, ओम ब हुक्पा चोङबाङ र राम ब हुक्पा चोङबाङ रहनुभएको छ । यो निर्माण कार्य मंसिर पहिलो हप्ता देखि थालनी गरिने समिति अध्यक्ष तिलबिक्रम हुक्पा चोङबाङले जानकारी गराउनुभयो ।

सम्बन्धित समाचार

मेची राजमार्ग ठप्पः भोलीदेखि ताप्लेजुङ् बजार अनिश्चितकालीन बन्द

दमक, १२ मंसिर । प्रदेशको नाम कोशी खरेजी र ताप्लेजुङका पक्राउ परेका दुई कार्यकर्ता निसर्त रिहाइको माग राख्दै प्रदेश नं. १ पुन नामाङ्कन संयुक्त संघर्ष समितिले आयोजना गरेको बन्दको कारण मेची राजमार्ग ठप्प रहेको छ...

माङसेबुङ इक्ला सिजन २ का लागि ८ उत्कृष्ट प्रतियाेगी छानिए

दमक, १२ मंसिर । माङसेबुङ इक्ला सिजन २ गायन प्रतियोगितामा उत्कृष्ट ८ मा पर्न सफल प्रतियोगीहरुको नामावली सार्वजनिक गरिएको छ । चार चरणको अनलाइन अडिसन पार गरेर सेमिफाइनल (उत्कृष्ट ८) मा पुग्न सफल प्रतियोगीहरुकोे नाम सार्वजनिक...

जसपा लिम्बुवान राष्ट्रिय समिति अध्यक्षमा जेन्टल लावती सर्वसम्मत चुनिए

पाँचथर, मंसिर १२ । जनता समाजवादी पार्टी नेपाल, लिम्बुवान राष्ट्रिय समिति पुर्नगठन भएको छ । शनिबार पान्थरको फिदिमस्थित आयोजित एक कार्यक्रमले जेन्टल लावतीको अध्यक्षतामा नयाँ समिति गठन भएको हो । नवगठित समितिको उपाध्यक्षहरुमा एविराज आङदेम्बे,...

कोचिला अध्यक्षमा त्रिनारायण राजवंशी : तेह्रथुम अध्यक्षमा दिलबहादुर सोदेम्बा

दमक, १२ मंसिर । नागरिक उन्मुक्ति पार्टी (एकीकृत) कोचिला राष्ट्रिय समितिको प्रथम भेला सम्पन्न भएको छ । शनिबार मोरङ्को रंगेलीस्थित होटल मेरिनाको सभाहलमा भएको प्रथम भेलाले त्रिनायारण राजवंशीको अध्यक्षतामा समिति गठन गरेको हो । पार्टीका...